Ribadeo, 5 de setembro, 2023. Co gallo das patronias, o BNG vén de emitir un comunicado: “Remata o verán e despedimos o tempo de lecer coas nosas festas patronais. Foron dous meses de cambios que asumimos con orgullo e facendo unha piña que estará aí sempre a disposición do pobo de Ribadeo. Toca agora celebrar as festas patronais e acoller a todas as persoas que nos visiten (tanto a nivel familiar como para acudir aos diferentes actos que se organicen ao longo destes días). Celebremos con orgullo as nosas festas e mostremos toda a nosa capacidade creativa a quen nos visiten. Todo acto público (como xa o foron os Indianos, o Mercado dos Domingos, as diferentes competicións deportivas e actos culturais) é unha ocasión para dar a coñecer todos os nosos produtos (materiais e inmateriais). Mostrémolos abertamente; non os ocultemos”.
“Temos por costume empregar a nosa lingua para dar a coñecer a nosa actividade, sen menoscabo de sermos hospitalarios e sabermos comunicarnos con outras xentes nas súas linguas cando a situación o require. Pero nunca renunciamos de antemán ao galego deixándonos apreixar por prexuízos de xente apoucada. É que acaso o señor Daniel Vega ten medo de que as xentes da Veiga, da Pontenova ou de Meira ou Trabada non entendan unha luminaria na que se lles desexe “boas festas”? Acaso o señor Vega xa esqueceu as ensinanzas da Escola Poética Mindoniense? De pouco serve apelar ao galeguismo na toma de posesión e despois abandonar á primeira ocasión o uso do galego porque “igual no nos entienden”. É que acaso considera que o señor Calvo Sotelo non é un ribadense digno de ser lembrado e honrado na nosa lingua?”.
“Señor Daniel Vega: está a recibir presións de elementos de Vox que o obriguen a rexeitar o uso do galego e ir contra a ordenanza municipal, en vigor, a respecto do uso da lingua galega como lingua vehicular? Están a pedirlle desde O Hórreo, ou desde Génova, que renuncie ás súas orixes para que o señor Abascal poida votar con mellor agrado por Núñez Feijóo?”.
“E con todo, queremos desexarlles tamén a vostede, señor Daniel Vega, e ao seu equipo de goberno, unhas “boas festas”, así, na nosa lingua, para que non a esqueza. Pero, permítannos lembrarlles que, cando unha tapa de inspección da rede de sumidoiros, ou de calquera outro tipo, queda totalmente descuberta, por favor, poñan un sinal indicativo de perigo, advirtan de que hai un furado no chan que pode ser perigoso. Durante unha semana, pola zona do Xardín (na Avda. Virxe do Camiño, á dereita mirando cara ao Instituto), houbo un sumidoiro totalmente ao descuberto sen ningún tipo de advertencia de perigo. Alégranos poder celebrar as festas sen ter que lamentar ningún accidente por ese desleixo. Calquera persoa adulta podería mancarse seriamente se caese nel. E se fose unha crianza ou unha persoa maior, o desgusto habería ser máis grande”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
