As actuacións teñen lugar en 26 viais en todas as parroquias e inclúen tamén a limpeza de cunetas
Barreiros, venres 1 de setembro 2023. O Concello de Barreiros continuou este verán cos plans de reparación de viais a través de asfaltados e aglomerados e prolongaranse no mes de setembro. Os traballos consistentes a maioría deles na reposición dos pavimentos deteriorados aplicando dobres ou triples tratamentos superficiais de ligante asfáltico, previa corrección das deformacións existentes mediante recargo de grava e gravillón, completaranse no mes de setembro procedendo tamén en varios viais a aplicar mezcla asfáltica en quente de 5 cm de espesor.
En todos os viais procédese tamén á limpeza de cunetas para facilitar a circulación das augas de escorrentía e evitar que se produzan danos no pavimento dos camiños.
Actuacións en todas as parroquias
As actuacións teñen lugar en todas as parroquias, priorizando os viais de máis intensidade de tráfico e os accesos a núcleos de poboación, a vivendas, a espazos públicos e tamén a explotacións gandeiras, criterios que o goberno municipal vén seguindo xa desde o mandato anterior. Así mesmo outro dos criterios, para conseguir unha maior eficacia nas actuacións é ir completando mallas da rede viaria levando unha continuidade barrio a barrio en cada parroquia, co cal rentabilízanse mellor os investimentos.
Planificando o 2024
“Estamos a traballar en 26 viais, que suman un total de 12 km, dos que se leva executado xa máis do 75% contratado, cuxo montante total ascende a 300.000€” manifestou o concelleiro delegado de obras Antonio Veiga, que afirmou tamén que “temos unha extensa rede viaria municipal que require unha exhaustiva planificación e un importante esforzo na distribución dos investimentos, polo que estamos traballando xa na previsión das actuacións para o ano 2024 valorando as cuestións técnicas, prioridades e as previsións económicas para encaixar os viais nos correspondentes proxectos para continuar garantindo á veciñanza accesos en boas condicións aos núcleos de poboación”
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
