Foz, 2 de setembro de 2023. O Concello de Foz renovou o pavimento de caucho do patio da escola infantil A Galiña Azul, centro onde fará outras melloras.
O alcalde, Fran Cajoto, e a concelleira de Asuntos Sociais, Ana Rojo, visitaron xunto á directora da Galiña Azul a escola para supervisar a execución dos traballos de renovación do pavimento de caucho do patio.
A concelleira Ana Rojo explica que esta obra parte dunha demanda das nais e país, do equipo docente e da directora da Galiña Azul. “O chan de caucho atopábase en mal estado polo paso do tempo e era necesaria unha renovación, que acometeu o Concello. Tamén o peche perimetral presenta un deterioro importante e vaise renovar xunto ás proteccións dos postes e columnas. Está tamén previsto instalar un lavamáns, que xa foi subministrado, adaptado á estatura de nenas e nenos, para que poidan lavar as mans sen problemas antes e despois de comer. No anterior mandato proxectamos a obra, que se está a facer con cargo a fondos do Plan Único 2023 da Deputación de Lugo. Axustamos a execución da renovación do pavimento ao mes de agosto, para entorpecer o menos posible a actividade da escola”.
O Consorcio Galego de Igualdade e Benestar e a Xunta de Galicia non aportaron fondos para estes traballos, asumidos por completo polo Concello de Foz con cargo a fondos do Plan Único da Deputación de Lugo.
O alcalde traslada que a obra continúa: “o luns vaise a renovar o peche do patio existente para que o martes 5, na xornada de portas abertas, xa se poda utilizar sen ningún problema. O proxecto contempla ampliar o espazo de xogo de 117 a 188 metros cadrados e este mes de setembro imos comezar estas obras de ampliación. Unhas obras que contemplan tamén humanizar a contorna da Sala Bahía, que vai pasar a ser unha praza con árbores e alumeado público. Queremos poñer en valor un edificio dotacional multiusos con tanta historia como é a Sala Bahía. Un espazo moi utilizado que acondicionamos o ano pasado e no que continuamos traballando neste exercicio coa urbanización exterior. Árbores, alumeado, reubicación dos contedores de lixo e pavimento de formigón impreso para unha zona que gaña en calidade de vida”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
