Castiñeira lembra que “o contrato leva catro anos caducado sen que o equipo de goberno fixera nada: os focenses perdemos catro anos e, lamentablemente, imos perder moitos máis”
Foz, 26 de setembro de 2023. O Partido Popular de Foz demanda unha vez máis: “solucións”. O voceiro, Javier Castiñeira, explica que “levamos 42 días sen poder beber a auga da traída municipal: 42 días nos que os 10.000 veciños de Foz teñen que comprar auga embotellada para poder beber”.
O popular sinala que “os veciños, loxicamente, queren información: datos de hixiene e saúde e, sobre todo, información de como poden pedir danos e prexuízos” ante esta situación.
Castiñeira explica que “unha poboación de 10.000 habitantes, en 42 días, a un consumo mínimo de 2 l/persoa estamos a falar de 1 millón de litros de auga embotellada consumida que, a unha media de 75 céntimos, aproximadamente, suporía 750.000 euros de custe”. O popular incide en que “alguén debe asumir este gasto, pero non poden ser os propios usuarios que levan anos pagando os seus recibos”.
Ademais, engade que “levamos moitos meses nos que a auga vén moi turbia e esas non son as condicións normais dun subministro, un servizo municipal que depende do equipo de goberno”.
Os populares insisten en que “seguimos sen contestación”; senón que o equipo de goberno local “alonga os prazos demostrando o seu pasotismo e que non é capaz de asumir as súas propias responsabilidades”. Nese sentido, “o Partido Popular seguirá presionando para que se depuren as responsabilidades: xa sexa o equipo de goberno ou a propia concesionaria”.
CONTRATO 4 ANOS CADUCADO
Castiñeira recorda que “leva máis de catro anos o contrato caducado e os señores do equipo de goberno non fixeron ningunha xestión”. Así, explica que coa renovación do contrato “si se podían pedir as melloras das instalacións que necesita a infraestrutura de abastecemento de Foz. Perdemos catro anos e, lamentablemente, imos a perder moitos máis todos os focenses”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.