Javier Castiñeira pide ao BNG “que estea á altura da situación” e deixen de estar “submisos” ao equipo de goberno e comecen a esixir as explicacións que reclaman todos os veciños de Foz
Foz, 4 de setembro de 2023. No Partido Popular de Foz esixen ao goberno local que se deixen de buscar estratexias para tratar de desviar a atención co problema do abastecemento da auga no municipio, xa que “unha vez máis as respostas e desculpas do equipo de goberno nin gustan nin convencen”.
O voceiro popular Javier Castiñeira esixe ao goberno local de Foz “non desviar a atención coas análises, xa que é o mínimo que se debe realizar” pero non se pode esquecer de que “hai unhas responsabilidades que asumir e unhas respostas mínimas que dar a toda a veciñanza” que tantos inconvenientes levan sufrindo todas estas semanas”.
Os populares destacan o sentir da veciñanza de Foz, “con moitas dúbidas sobre a situación que todos vivimos e aí é onde erra unha e outra vez o equipo de goberno”. “Non teñen ningunha présa por resolver os problemas nin por axudar aos veciños a resolver esta situación e a que poidan realizar as reclamacións pertinentes como afectados que son”, indican.
Neste senso, no PP recordan a postura “cómoda e cómplice” que está a tomar o BNG neste eido. “Ao igual que no mandato anterior, os edís nacionalistas seguen submisos ao equipo de goberno, sendo totalmente incapaces de facer calquera tipo de crítica ou petición de explicacións, máxime nun asunto tan grave coma este”, denuncian.
Castiñeira denuncia que dende o goberno local “con esta mala xestión están a danar a imaxe do noso concello e en aras á transparencia e a unha correcta xestión, deberían de dar as explicacións oportunas”.
No Partido Popular teñen claro que sempre van a poñer diante de todo os intereses dos veciños de Foz, “algo que non está a realizar o goberno local, polo que consideramos necesario unha comisión de investigación e unha oficina para axudar a todos os afectados a presentar as súas reclamacións, ben sexa ante o concello ou ante a concesionaria do servizo”.
Por último, o voceiro popular en Foz recorda que “hoxe mesmo formalizamos a petición do pleno extraordinario que onte anunciabamos” para que o goberno local dea as explicacións mínimas que todos os veciños merecemos.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
