O delegado territorial de Lugo, Javier Arias, participou na entrega de diplomas e lembrou que o Goberno galego investiu 534.000 euros na iniciativa
Begonte, 24 de outubro de 2023. A Xunta de Galicia clausurou o obradoiro de emprego Cumes da Terra Chá VI coa entrega de diplomas aos 20 participantes, un acto no que interviñeron o delegado territorial de Lugo, Javier Arias, e os alcaldes dos municipios promotores, o de Begonte, José Ulla; Friol, José Ángel Santos, e Rábade, Remedios González.
Arias explicou que a Consellería de Promoción do Emprego e Igualdade investiu 534.000 euros na iniciativa, dos que 30.000 están destinados a impulsar a inserción laboral dos participantes en empresas locais unha vez rematada a formación, financiando a súa contratación durante un mínimo de tres meses a xornada completa.
Durante o último ano o alumnado adquiriu coñecementos teóricos e prácticos en especialidades relativas á construción: operacións auxiliares de acabados ríxidos e urbanización (7 alumnos e alumnas en Friol) e revestimentos con pezas ríxidas por adherencia (7 en Begonte e 6 en Rábade).
Así mesmo, realizaron un traballo remunerado mellorando espazos públicos dos distintos municipios. En Rábade renovaron as beirarrúas das rúas Miguel de Cervantes, Lope de Vega e Fernando Arias, e as zonas peonís exteriores do cine MAN.
En Friol ampliaron una beirarrúa no polígono industrial e melloraron o pavimento na praza Campo da Feira; e en Begonte acondicionaron un tramo da avenida de Galicia e fixeron reformas nun edificio municipal para destinalo a cafetería no Campo da Feira.
Arias anunciou que nas vindeiras semanas porase en marcha un novo obradoiro que dará continuidade ás obras de mellora nos municipios e suporá oportunidades laborais para outros 20 traballadores desempregados.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
