Ribadeo, 25 de outubro de 2023. Unha ducia de locais hostaleiros participan na sexta edición das xornadas gastronómicas Asturias en Ribadeo do 27 ao 29 de outubro. Están organizadas por Acisa.
A presidenta de Acisa, Carmen Cruzado, indicou que “desde Acisa seguimos apostando polas xornadas gastronómicas Asturias en Ribadeo, que se van celebrar do venres ao domingo, como actividade dinamizadora da nosa hostalaría. Con elas queremos render así homenaxe á veciñanza asturiana, que todas as fins de semana do ano se achega ata Ribadeo a tomar os viños, os vermús, a comer, a cear, a pasear ou a mercar no comercio local. A súa presenza é moi importante para nós e por iso volven un ano mais estas xornadas”.
Cruzado Iglesias explicou que “son 12 os locais participantes, que ofrecerán tapas, racións e menús especiais ao longo da vindeira fin de semana. As diferentes propostas gastronómicas asturianas poderanse encontrar nos seguintes establecementos hostaleiros: Galipizza, La Solana, Queimada, O Indiano, Mareta, A Horta de San Roque, La Bugalla, La Flor de Jose, Asador La Quinta, Costa Verde, O Alén e O Lar de Manolo”.
E engadiu que “todas as propostas gastronómicas dos locais participantes poden consultarse nas redes sociais de Acisa. Hai moita variedade de elaboracións con fabas, cachopos, pratos preparados con sidra como o chourizo ou a pescada outros nos que o queixo Cabrales será protagonista. Haberá tapas de cortesía ou de pago, así como racións e menús especiais para esa fin de semana”.
A presidenta da Asociación de Comerciantes, Industriais, Servizos e Autónomos de Ribadeo anima “a galegos e asturianos a achegarse a Ribadeo do 27 ao 29 de outubro a saborear todas as exquisiteces que a nosa hostalería ten preparadas nestas sextas xornadas gastronómicas Asturias en Ribadeo”.
Samaín
Acisa Ribadeo e Kids&Us organizan o 28 de outubro unha nova actividade infantil chamada Trick or treat, que se desenvolverá polos locais asociados ao colectivo empresarial.
El gerente de Acisa, Jesús Pérez, dixo que “esta actividade busca entreter e divertir aos máis pequenos da casa coa tradición anglosaxona do truco ou trato, con motivo da celebración do Samaín ou Halloween. Desde Acisa gústanos levar adiante propostas que ademais sirvan para que pais e nais poidan dedicarse un pouco de tempo a eles mesmos, mentres as nenas e os nenos gozan desta iniciativa que facemos da man dun dos nosos asociados como é o caso de Kids&Us”.
Máis aforro
Pérez Prada lembrou que “as xornadas Asturias en Ribadeo coinciden coas campaña das Panchas do Concello de Ribadeo e coa tarxeta aforro no combustible de Acisa. Polo que de paso que desfrutamos dunha fin de semana gastronómica diferente, podemos recordar que contamos con 102 negocios, tanto de comercio como de hostalería, para poder facer uso das Panchas do Concello de Ribadeo, campaña coa que colaboramos desde Acisa, e na que calquera persoa de calquera cidade pode facerse coa moeda local ribadense e vir ata decembro a consumila. E por último coas compras ou consumicións realizadas estes días os clientes obterán unha tarxeta desconto de 0.09 euros por litro, para empregar na estación de servizo de Valcarce. Animamos a aproveitar todas estas campañas e descontos, que son moi atractivas e que o que fan é dinamizar a economía local”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
