Barreiros, 25 de outubro de 2023. O Canteiro, en Benquerencia, acollerá o vindeiro sábado, día 28, unha conferencia homenaxe á científica e investigadora barreirense Aurora Sampedro Piñeiro, que será impartida por Manuel Rivero.
Aurora Sampedro naceu en 1913 e faleceu en 1996. Foi Licenciada en Ciencias Químicas, doutora na mesma disciplina e Académica de Ciencias Experimentais. Manuel Rivero defínea coma unha estudante exemplar e unha adiantada ao seu tempo: “desprazouse a Madrid no ano 1930, viviu na residencia de estudantes, alí completou os dous anos do bacharelato universitario, rama de ciencias, para poder matricularse en químicas, carreira que cursou na Universidade Complutense desde 1932 ata 1935. Durante o tempo que durou a Guerra Civil, (1936-1939), tivo que interromper os estudos. Finalizou a carreira na Universidade de Oviedo en xullo de 1941, coa cualificación de sobresaliente. Os estudos de doutorado, tamén os realizou na Universidade Complutense, onde conseguiu o título de Doutora en Ciencias (Sección de Químicas) en 1948. Aurora Sampedro foi bolseira da Fundación March no ano 1961. Investigou en catro centros tecnolóxicos, desde o inicio da súa tese de doutoramento ata a xubilación: Laboratorio Central Renfe e os tres vinculados ao CSIC”.
Manuel Rivero decidiu aproximarse á figura de Aurora Sampedro Piñeiro porque “o pai de Aurora e aboa da miña muller eran irmáns e na casa familiar sempre se tivo gran estima a Aurora, pola súa mente brillante, o seu esforzo e a súa capacidade de traballo”. Era unha muller discreta “apenas comentaba os seus logros académicos, investigadores ou profesionais”.
A conferencia sobre Aurora Sampedro Piñeiro será pronunciada no Canteiro: “na escola onde dona Juanita, a súa mestra, descubriu o seu talento, e preocupouse por preparala para que superara os exames do bacharelato elemental por libre no Instituto de Lugo”. A charla dará comezo ás 17:00 horas. E despois ás 18:15 terá lugar unha ofrenda floral no cemiterio parroquial de Benquerencia.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
