O Vicedo, 25 de outubro, 2023. “Sobre guerrilleiras silenciadas na Mariña”, Este é o título da conferencia co que a escritora e investigadora Aurora Marco comezará ás 16:30h a tarde adicada á Memoria Histórica que organiza a A.C. Volta e Dálle o vindeiro domingo día 29 no “TEATRO DAS CORTES” en Cabanas
Durante anos, para as guerrilleiras da chaira ou enlaces, que colaboraban en labores de intendencia, de loxística cos guerrilleiros, e para as do monte, que andaban na clandestinidade cos seus compañeiros de loita, só houbo silencio, esquecemento, incomprensión, xuizos morais, ao facelas pasar non só como bandoleiras senón tamén como as queridas, as amantes dos guerrilleiros. Elas non encaixaban no modelo ideal que preconizaba o franquismo, polas súas ideas, accións, por traspasaren as barreiras da domesticidade, por seren solidarias cos que andaban escapados, aos que estaban unidas por lazos familiares, amistosos, amorosos… O seu papel foi fundamental para a supervivencia do movemento guerrilleiro, como recoñeceron diferentes guerrilleiros.
Tras unhas consideracións xerais sobre a participación das mulleres nas dúas organizacións que operaron en Galiza na década dos 40 (a Federación de Guerrillas León-Galicia e o Exército Guerrilleiro), lembrarei tres guerrilleiras que foron primeiro enlaces e despois pasaron á clandestinidade: unha con Luís Trigo Chao Gardarríos, Antonia Díaz Pérez; as outras dúas, Josefa Escourido Cobo e Celia González Pernas, con varios membros da III Agrupación do Exército Guerrilleiro, que se movían por Ourol, Viveiro, Xermade, a serra do Xistral… Ningunha sobreviviu. Referirieme tamén a outras mulleres relacionadas con guerrilleiros, familiares ou non, sometidas a constante persecución, molestias, interrogatorios, que foron finalmente represaliadas.
Ás 18:30h a compañía de teatro Os Quinquilláns representarán A señora de Forcadela.
‘A señora de Forcadela’ e unha historia baseada na biografía da mestra Josefa García Segret, extensiva á outras mulleres represaliadas na Galiza a partir de xullo do 36: foi detida o 15 de agosto e na prisión de Tui salvou a vida grazas á axuda dun médico forense e dun doutor que aseguraron que estaba embarazada. Foi xulgada en Vigo por rebelión e condenada a pena de morte que se lle conmutou por cadea perpetua, e despois a 6 anos e un día.
En 1982, Josefa García Segret publicou un libro autobiográfico titulado ‘Abaixo as ditaduras’, editado por ela mesma, grazas ao que a día de hoxe se coñecen as súas vivencias. No libro explícase a vida dunha reclusa dunha maneira moi directa. Aínda que terminou a obra en 1976, a súa publicación —“polas circunstancias do momento”— tivo que agardar a 1982, catro anos antes da súa morte.
20:00h Actuación de A Quenlla
Rematará a xornada cun concerto de A Quenlla. O ano que ven celebrarán 40 anos de traxectoria, de compromiso coa música tradicional, e cos escritores e poetas do noso país.
Todas as actividades serán de balde. Están organizadas pola A.C. VOLTA E DÁLLE e contan co apoio da Deputación de Lugo (Cultura) e do Concello do Vicedo.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
