Na primeira fase repartiuse na provincia 113.210 quilos de produtos alimentarios cun valor económico que ascendeu aos 187.327 euros e cubriu as necesidades máis básicas de 8.500 persoas
Lugo, 13 de outubro de 2023. A subdelegada do Goberno, Isabel Rodríguez, visitou hoxe a nave de Cruz Vermella do Polígono Industrial das Gándaras e o almacén do Banco de Alimentos para comprobar o desenvolvemento da última fase do “Programa 2023 de axuda alimentaria ás persoas máis desfavorecidas” que pon en marcha o Ministerio de Agricultura, Pesca e Alimentación a través do Fondo Español de Garantía Agraria. Alí destacou o compromiso que está a realizar o Goberno con preto de 8.263 lucenses, destinando a este programa 250.994 quilos de alimentos a través dun investimento de 447.805 euros. Para o conxunto da sociedade española entregaranse 36 millóns de kilos de alimentos cun valor de 88,5 millóns de euros nesta última fase.
A subdelegada, acompañada do responsable do servizo de Agricultura da Subdelegación do Goberno, Enrique Fernández, xunto a presidenta do Banco de Alimentos de Lugo, Amadora Núñez, e o Presidente da Cruz Vermella en Lugo, Luis Abelleira, destacaron o traballo conxunto do Goberno e as ONGs, que “fan posible o apoio ás persoas e colectivos máis vulnerables”. A subdelegada puido ver o esforzo da Cruz Vermella e do Banco de Alimentos para “entregar alimentos cubrir así as necesidades da poboación en risco de pobreza”.
Isabel Rodríguez informou que con esta segunda e última fase do programa do 2023 “afianzamos un dos moitos compromisos que ten o Goberno coa sociedade axudando a moitas persoas e familias con situacións adversas tras as diversas situacións que estivemos a vivir, como foi a crise do COVID”.
A subdelegada comprobou con esta visita aos centros que o traballo de almacenamento e distribución se estea a realizar de forma correcta para que as organizacións colaboradoras se encarguen de trasladar os produtos á cidadanía, destacando que “son clave para que campañas como esta se desenvolvan de forma correcta e chegue a quen que o necesite”.
Entre os produtos que se entregan hai alimentos duradeiros e pouco perecedoiros como son o arroz, garavanzos cocidos, fabas cocidas, atún en conserva, conserva de sardiña, conserva de carne, pasta, tomate frito, galletas, macedonia de verduras, froita en conserva, cacao soluble e tarriños infantís de froita.
Segunda e última fase do programa
Con esta achega, remata o “Programa 2023 de axuda alimentaria ás persoas máis desfavorecidas”, que na primeira fase repartiu na provincia 113.210 quilos de produtos alimentarios cun valor económico que ascendeu aos 187.327 euros e cubriu as necesidades máis básicas de 8.500 persoas. Esta cantidade supuxo o 29% do entregado en maio, entregándose agora o 71 % do total restante.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
