“Estes son os últimos orzamentos de desprezo e discriminación á Mariña”
A Mariña, venres 27 de outubro 2023. O deputado Daniel Castro, xunto cos representantes do BNG na comarca, Antonio Veiga e Pilar Vázquez deron conta hoxe en rolda de prensa das valoracións que a organización frentista fai dos orzamentos da Xunta para 2024, no que tén a ver coa comarca da Mariña.
Máis aló dos escasos e insuficientes investimentos que o Partido Popular destina á Mariña para o vindeiro exercicio, os nacionalistas fixeron un repaso dos reiterados incumprimentos da Xunta e do PP coa comarca, que ano tras ano rexeitaron iniciativas e tamén emendas do Bng aos documentos orzamentarios en materia de sanidade, saneamentos, abastecemento de auga, medio ambiente, industria, emprego, benestar social, educación…. desatendendo as peticións non só do Bng senón do conxunto da sociedade mariñá, e dos actores sociais e económicos que vén como a comarca é sometida a continuos desprezos “o que a obriga a competir en inferioridade de condicións cando é a que máis aporta en términos de PIB no conxunto da provincia, pois nela radican empresas que tiran da economía non só da provincia senón de todo o país” , afirmou Antonio Veiga.
O deputado Daniel Castro afirmou que é preciso rematar canto antes con estas políticas que discriminan á comarca que só consisten en poñer parches sen solucionar os grandes problemas que condicionan gravemente o futuro de A Mariña, e nese sentido afirmou tamén que “estes son os últimos orzamentos de discriminación e desprezo á Mariña”
Incumprimentos reiterados
Desde o BNG recordaron os incumprimentos en materia sanitaria, cunha atención primaria sen recursos, con redución de servizos no hospital, así como a nula consignación para o novo centro de saúde de Ribadeo ou para a prometida remodelación do Hospital Asilo tamén en Ribadeo. Do mesmo xeito son tamén reiterados os incumprimentos coas grandes infraestruturas viarias pendentes, como é a VAC San Cibrao-Ferrol, donde o PP pretende enganar á cidadanía un ano máis, despois de teren anunciado en sede parlamentaria xa no ano 2009 que a VAC estaría rematada antes de 2017.
Así mesmo, as necesarias infraestruturas de saneamento como as depuradoras en zonas costeiras e punteiras turísticamente coma o caso de Barreiros, siguen recibindo o non da Xunta, “e en materia de industria e emprego, o PP sigue deixando que esta comarca se convirta pouco a pouco nun deserto industrial, desatendendo todas as propostas que desde o Bng lles fixemos para elaborar plans de emprego e industrialización” afirmou a vice responsable comarcal Pilar Vázquez.
Os nacionalistas anunciaron tamén que desde cada localidade o Bng está preparando tamén as correspondentes emendas ao texto orzamentario coas necesidades da comarca e que o deputado Daniel Castro presentará no Parlamento.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
