O deputado mariñán José Manuel Balseiro non oculta a súa preocupación pola situación da factoría lucense e insiste na importancia de garantir un marco enerxético “estable e competitivo”
Compostela, 27 de outubro de 2023. O deputado mariñán do Grupo Parlamentario Popular, José Manuel Balseiro, urxe ao Goberno de España a facer fronte aos “deberes pendentes” con Alcoa e outras empresas electrointensivas galegas, que aínda agardan por un “marco enerxético estable e competitivo”, un ámbito de exclusiva responsabilidade estatal.
Con este obxecto, os populares galegos veñen de rexistrar unha iniciativa no Parlamento de Galicia na que detallan as medidas aínda pendentes. Entre outras, reclaman que se modifique o Estatuto dos consumidores electrointensivos para que a industria galega e española poida competir en igualdade de condicións co resto de industrias europeas, que si están a contar co apoio dos gobernos dos distintos estados.
A iniciativa tamén demanda que se incremente a dotación orzamentaria máxima permitida pola normativa europea para a compensación dos costes indirectos por CO2 da industria electrointensiva e que se activen, canto antes, mecanismos de interrumpibilidade “efectivos” para reducir o prezo eléctrico.
Finalmente os populares galegos tamén fan mención á necesidade de impulsar ferramentas xurídicas e executivas que faciliten os contratos de compravenda de enerxía a longo prazo (PPAs), tal e como fixo a Xunta ao favorecer a firma de dous PPAs por parte de Alcoa con promotores de proxectos eólicos.
Desde o Grupo Popular, como desde o propio Goberno galego, veñen alertando hai tempo de que os altos prezos da enerxía están levando ás empresas galegas a baixar a súa produción e mesmo a valorar a súa deslocalización.
SITUACIÓN DE ALCOA
Balseiro non oculta a súa preocupación pola situación de Alcoa, “a primeira industria electrointensiva do país e a única que producía aluminio primario, un metal estratéxico para a economía” e lamenta que o Goberno de España esqueza que está en marcha unha “conta atrás”, de feito, restan dous meses e medio para o remate do prazo acordado para a reactivación da factoría emprazada na Mariña lucense.
O deputado tamén explica que o recente cese de actividade do departamento de Fundición, a única área produtiva que se mantiña operativa nestas instalacións despois do apagado das cubas de electrolises polos elevados custos enerxéticos, sumados aos problemas de mercado que afronta a refinería de alúmina, está a provocar “inquedanza” entre os traballadores e no conxunto dunha comarca na que esta empresa é o seu principal motor económico.
Cómpre lembrar que os plans da compañía pasan por reactivar a produción das cubas ao 6% a finais deste ano, para elevar progresivamente a produción ata o 100% en outubro de 2025, segundo o acordo pactado pola multinacional e os traballadores e no que a primeira se comprometía a non realizar despedimentos e sufragar unha serie de investimentos e os segundos a manter a paz social.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
