Afianzando ese primeiro posto na clasificación, o Burela continúa sumando con 6 vitorias e un empate nesta sétima xornada ligueira
Burela, 28 de outubro, 202. Esta tarde ás 18.45h no Pavillón Municipal Vista Alegre de Burela xogábase a 7ª xornada da Primeira Division Iberdrola FS, Pescados Rubén Burela FS – Torreblanca Melilla CF. Do mesmo xeito que o do equipo masculino, este encontro tamén se prevía complicado e do mesmo modo así o foi, moi parello ao longo dos 40 minutos de xogo aínda que o equipo mariñán soubo sobrepoñerse ante un adversario moi duro e competitivo.
Na primeira parte abre a quenda de tiros a porta a crack brasileira, Emilly cun forte disparo que se vai por encima do traveseiro. Outra boa oportunidade de Irene Samper no minuto 3 tras un pase de Dany que a deixa soa ante Silvia, quen a frea frustrando o ataque do conxunto local. Despois unha moi boa oportunidade de Ana Luiza cun disparo tras un córner que se vai por encima do traveseiro e outro paradón de Silvia tras un tiro de Irene Samper nos minutos 6 e 7. Mantense o xogo igualado ata o minuto 14 no que nunha falta peligrosísima a favor do Burela, Emilly métea cun incrible disparo directo. Tras unha alta presión do conxunto melillense, xusto antes do descanso o Torreblanca logra empatar cun gol de Silvina de rexeite tras un tiro de Amandinha que detén Jozi Oliveira.
Na segunda parte de novo Emilly comeza cun primeiro tiro a porta no minuto 22 que non atopa a portería. No minuto 26 Cami case adianta o marcador cun disparo potentísimo desde a banda dereita que se vai fóra rozando o segundo pau. Chega o segundo do conxunto de Julio Delgado no minuto 38 cun gol de rexeite de Dany tras un tiro de falta de Cilene que detén a porteira internacional Silvia. Comeza o ataque con xogo de 5 por parte das de Morenín, con Juliana de porteira-xogadora, pero o Pescados Rubén resiste e no último minuto chegan os últimos dous goles, primeiro de Emilly a porta baleira tras un pase longo de Jozi Oliveira e segundos despois a porteira-xogadora, Juliana, métea de cabeza entre os paus, levando a un resultado final 3-2 para o equipo local que continúa unha boísima racha dende o inicio da tempada.
Ao igual que os seus compañeiros do club, as Guerreiras Laranxas descansarán pouco ata o mércores que deberán enfrontarse ao seu habitual rival copeiro nesta tempada 23/24, o Poio Pescamar FS, un derbi que será seguro disputado nuns oitavos de final da Copa da Raíña difíciles para ambos conxuntos galegos.
Ficha Técnica Pescados Rubén Burela FS – Torreblanca Melilla CF
Pescados Rubén Burela FS (3): Jozi Oliveira; Dany, Irene Samper, Noelia Montoro, Emilly -quinteto inicial-, Cilene, Cami, Jenny, Antía Pérez, Rafinha, Patricia, Lola (P)
Torreblanca Melilla CF (2): Silvia; Amandinha, Nega, Thais, Juliana -quinteto inicial-, Jhennif, Lydia, Ana Luiza, Silvina, Bia, Bia (P).
Goles: 1-0, min. 14: Emilly. 1-1, min. 20: Silvina. 2-1, min. 38: Dany. 3-2, min. 40: Juliana.
Árbitros: Mayra Camila Araujo, José Manuel Carreira Romero, Sergio Piñeiro Rivas, Eva López Seijas.
TA: Antía Pérez (Equipo Local). Silvina, Amandinha, Gonzalo Iglesias (Morenín), Ana Luiza, Silvia (Equipo Visitante).
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
