Os burelistas tiveron que traballar e madurar o partido para darlle a volta na segunda metade ao tanto inicial do branquiazul de Manu García
Burela, 21 de outubro, 2023. O conxunto masculino do Pescados Rubén Burela conquistou a súa segunda vitoria da tempada nun traballado partido diante dun Club Deportivo Leganés (4-1) que se defendeu con moita orde e non capitulou ata ben entrada a segunda metade.
O conxunto burelista monopolizou a posesión e as ocasións de gol diante dun rival que buscaba defenderse a media pista e crear perigo saíndo á contra. O plan funcionoulles durante gran parte do primeiro tempo, grazas ás intervencións de Óscar de la Faya nas escasas ocasións de perigo que foron capaces de crear os de David Rial. E mesmo lograron poñerse por diante os madrileños no minuto 11 tras un bo contragolpe que finalizaba Manu García.
Con todo, lograron responder rápido os da Mariña, que igualaban tres minutos máis tarde nunha acción de estratexia que botaba Isma e remataba Álex García. Antes do descanso, o guion mostrouse inalterable, cos pepineros defendéndose ben atrás diante dun Burela que tentaba madurar as xogadas para achegarse ao marco visitante.
No segundo tempo non se moveron as posicións dos conxuntos, pero os mariñaos lograban poñerse rápido por diante grazas a un disparo do canteirán Jorque Quelle que tocaba en Javi e despistaba a Óscar de la Faya. A pesar de verse por detrás no electrónico, os de Rubén Barrios seguiron esperando a media pista e non foi ata o 34, nunha acción na que os de Leganés foron a presionar arriba, cando un desequilibrio atrás foi aproveitado por Isma para encarar ao meta visitante e cederlle ao seu homónimo Ismael, que anotaba o terceiro no segundo pau.
No últimos tres minutos tentarían reducir distancias os visitantes con Dani Coloreado de porteiro-xogador, pero os burelenses defendéronse moi ben e mesmo o meta internacional polaco Kaluza, a segundos do final, conseguía subir o cuarto para a conta local cun lanzamento desde a súa propia área.
Ficha Técnica Pescados Rubén Burela FS 4-1 CD Leganés
Pescados Rubén Burela FS (4): Kaluza; Lucho, Isma, Álex García, Malaguti -quinteto inicial-, Ismael, Charly, Alberto Mirás e Quelle.
CD Leganés (1): Óscar de la Faya; Javi, Manu García, Juanma, Pablo Ibarra -quinteto inicial-, Chicho, Manu Diz, Miguel, Dani Colorado e Bertín.
Goles: 0-1, min. 11: Manu García. 1-1, min. 14: Álex García. 2-1, min. 24: Quelle. 3-1, min. 34: Ismael. 4-1, min. 40: Kaluza.
Árbitros: Bravo Sarango e Otamendi Lascarro (Navarra). Amonestaron aos burelistas Isma e Lucho, así como aos pepineros Juanma e Pablo Ibarra.
Incidencias: Encontro da 5ª jornada da Segunda División masculina disputado no pavillón de Vista Alegre diante duns 700 espectadores. Gardouse un minuto de silencio pola morte de Álvaro Prieto, futbolista xuvenil do Córdoba CF.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
