Antonio Ameijide denuncia a actitude “absolutista e ditatorial” de José Tomé “carente de principios democráticos” e que o presidente so entende a Deputación de Lugo como unha administración para impulsar as carreiras políticas daqueles que el elixe e para axudar unicamente aos concellos da súa cor política
Lugo, 4 de outubro de 2023. O Grupo Provincial Popular na Deputación de Lugo denuncia “a nula transparencia e as constantes trabas de José Tomé” para que os deputados do PP poidan exercer a súa labor de oposición ao, nesta ocasión, negar acceso á información solicitada polos populares.
O voceiro popular Antonio Ameijide explica que no mes de setembro pediuse acceso a varios expedientes:
Relación postos de traballo nominativa e actualizada. Solicitada o 19/09/2023
Acceso ao rexistro semanal dos asentos do rexistro de entrada da Deputación de Lugo. Solicitado o 21/09/2023
“A día de hoxe nada sabemos e iso que xa pasou o prazo legal máximo que tiñan para facilitarnos a información”, denunciou Ameijide.
Segundo figura no Regulamento Orgánico da Deputación de Lugo, no seu artigo 19:
“O dereito á información dos membros da Corporación canalizarase na forma e termos prevista nos artigos 14, 15 e 16 do R.D. 2568/1986 do 28 de novembro do Regulamento de organización, funcionamento e réxime xurídico das entidades locais mentres non se modifique. A petición de información a de ser concreta e específica, non xenérica nin indeterminada, e compatible co normal desenvolvemento dos servizos provinciais. A solicitude dirixida á Presidencia, deberá reunir os requisitos anteriores, e debera de ser resolta motivadamente no prazo de cinco días a contar dende a data de solicitude. Se no devandito prazo non se produce resolución expresa, entenderase concedida por silencio administrativo”.
Un acceso á información que tamén se recoñece no artigo 77 da Lei Reguladora das Bases do Réxime Local:
“Todos os membros das Corporacións locais teñen dereito a obter do Alcalde ou Presidente ou da Comisión de Goberno cuantos antecedentes, datos ou informacións obren en poder dos servizos da Corporación e resulten precisos para o desenvolvemento da súa función. A solicitude de exercicio do dereito recolleito no parágrafo anterior haberá de ser resolta motivadamente nos cinco días naturais seguintes a aquel en que se presentou”.
Acceso á información que tamén se recoñece no artigo 14 do ROF (Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais.
1. Todos os membros das Corporacións Locais teñen dereito a obter do Alcalde ou Presidente ou da Comisión de Goberno cuantos antecedentes, datos ou informacións obren en poder dos servizos da Corporación e resulten precisos para o desenvolvemento da súa función.
2. A petición de acceso ás informacións entenderase concedida por silencio administrativo no caso de que o Presidente ou a Comisión de Goberno non diten resolución ou acordo denegatorio no termo de cinco días, a contar desde a data de solicitude.
Unha situación que, para os populares, pon de manifesto unha vez máis “a actitude absolutista e ditatorial” de José Tomé que “non entende a Deputación de Lugo como unha administración para axudar a todos os lucenses da provincia e a emprega para impulsar as carreiras políticas daqueles que el elixe e para axudar unicamente aos concellos afíns”.
Unha situación que se produce días despois de que os deputados do Grupo Provincial Popular rexistrasen un escrito dirixido á Valedora do Pobo pedindo o seu amparo trala prohibición de José Tomé a que os deputados populares entrasen en dependencias da Deputación de Lugo.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
