Carme Aira propuxo un Plan integral con medidas concretas para incentivar á xente máis nova con asesoramento e axudas suficientes, fortalecer as pequenas e medianas empresas e dotar o rural de servizos básicos
Santiago de Compostela, 13 de xuño, 2023. A portavoz de Desenvolvemento Rural do BNG, Carme Aira defendeu na comisión de Agricultura a posta en marcha dun Plan integral para o asesoramento da mocidade na súa incorporación á actividade agrogandeira e lamentou, que unha vez máis, o Partido popular vetara a iniciativa nacionalista destinada a reactivar o medio rural e impulsar o cambio xeracional.
A deputada xustificou a proposta na necesidade de responder a unha realidade incontestable, vivimos, dixo, “nun país envellecido, con escasa superficie agraria útil e cun rural en risco severo de peche” de aí, a urxencia de políticas activas por parte do goberno galego.Por outra parte, salientou as dificultades para levar adiante as granxas que inflúe negativamente á hora de incorporacións da mocidade.
Para a deputada, as políticas do Goberno galego para o agro no que atinxe a obter máis superficie agraria ou forestal son “insuficientes” e baséanse nos instrumentos da Lei de recuperación de terras, con efectividade desigual e algunhas delas fracasadas como as “aldeas modelo”, os polígonos agroforestais e as permutas, Ademais, subliñou , que o Bantegal está completamente “inoperativo, con prezos inasumíbeis e sen oferta de predios”.
Carme Aira tamén denunciou os atrancos das políticas do PP que impiden poder modificar estruturalmente o sistema produtivo primario, fortalecer as pequenas e medianas granxas ou diversificar suficientemente a actividade agraria. Son políticas que podemos, explicar en 3 medidas:
Plans estratéxicos, “xenéricos, inconcretos e pouco pŕacticos para mellorar os sectores
As axudas directas co anuncio de 12 M€ para a carne de calidade en extensivo, cantidade que rematará e deixará a moitos gandeiros e gandeiras sen a axuda, e a bolsa da PAC cada vez “con menos diñeiro” que conleva a merma das axudas para este período en comparación coas cantidades previamente estimadas.
A maiores, vivir no rural supón enfrontarse a fendas de xénero, de acceso a servizos básicos como a mobilidade, conciliación, ocio, conectividade, educación ou sanidade e os nosos xovenes tampouco contan con axudas para incorporarse a actividade agrogandeira.
Por todas razóns demandamos elaborar un Plan integral que marque uns obxectivos claros a medio prazo e estableza un nivel de apoios que transcendan as axudas da PAC porque “non chega con publicar convocatorias e que sexan as persoas xóvenes as que decidan a cegas meterse en proxectos que son en por si complexísimos”.
A xuízo da deputada, a política debe crear “o marco no que estas persoas exerzan a súa actividade produtiva, darlle cohesión ás nosas producións primarias, cuestión que sen dúbida repercutirá no desenvolvemento integral do rural”.
Por outra banda, a deputada considerou que a FP debe mellorar profesionalizando as actividades agrogandeiras e a transferencia de coñecemento para implicar a tódolos sectores na escolla das actividades agrarias e gandeiras que poidan ter un mellor desenvolvemento e perdurabilidade.
Na realidade, afirmou Carme Aira, a mocidade ten que enfrontarse “á falta de profesionalización, á falta de asesoramento público continuado, e a axudas cada vez máis pequenas cando os prezos son cada vez máis elevados”.
“Precisamos novas incorporacións e eles precisan maior apoio e coherencia nas axudas, a política da Xunta ten que deixar de ser pasiva conformándose con sacar convocatorias de axudas da PAC e pasar a ser proactiva, cun proxecto que vaia máis alá da PAC para facilitar a captación de novas incorporacións e un tránsito máis amable por esta experiencia”, concluíu.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
