Mondoñedo, 19 de outubro de 2023. A Asociación ‘Abrindo Camiño’ ten o pracer de convidar a todas as persoas interesadas a asistir ao acto de presentación do libro de actas das Extra XVI Xornadas do Peregrino ‘Abrindo Camiño’. Homenaxe a Andrea López Chao (que tiveron lugar o pasado verán en Mondoñedo e Vilalba). O programa vaise desenvolver o próximo domingo, 22 de outubro de 2023, a partir das 11:00h no Auditorio ‘Pascual Veiga’ de Mondoñedo (dentro das actividades programadas polas Feiras e Festas das San Lucas 2023)
O acto de presentación das actas destas xornadas, que nesta ocasión se dedicaron a homenaxear á mestra mindoniense e pioneira do feminismo en Cuba, Andrea López Chao, desenvolveranse conforme ao seguinte programa:
11.00h.-Acto de presentación das actas que, ademais de seren impresas en papel, terán unha versión dixital para facilitar a súa difusión a calquera parte de mundo. Contan co patrocinio da área de Cultura, Patrimonio Histórico Artístico e Normalización Lingüística -vicepresidencia da Deputación de Lugo.
Intervirán:
Manuel Otero Legide, alcalde de Mondoñedo
J. Luis Fernández Ansedes, presidente da Asociación Abrindo Camiño
Isidro Cillero Prieto, presidente da Liga Santaballesa.
Marta Rouco Seoane, alcaldesa de Vilalba.
Antonio Reigosa Carreiras, cronista oficial de Mondoñedo.
Daniel M. Vázquez Vila, coordinador do libro de actas.
Iria Castro Fernández, deputada delegada da área de Cultura, Patrimonio Histórico Artístico e Normalización Lingüística da Deputación de Lugo.
Actividades complementarias:
-Concerto didáctico homenaxe a Andrea López Chao. Troupelear con Branca Villares e Pablo Pintor (Programa xunt@s polo serán 2023, patrocinado pola vicepresidencia da Deputación de Lugo).
-Proxección do teaser do documental “Andrea López Chao. O poder de educar”, a cargo da súa directora, Violeta Ramos Valdés, xornalista e cineasta galego-cubana.
12:30h.-Percorrido simbólico por Mondoñedo pasando pola casa natal de Andrea López Chao. Rematará no Parque da Lembranza, no Cemiterio Vello.
13:00h.-Ofrenda floral e lectura do manifesto homenaxe ás e aos emigrantes e países de acollida. Conmemoración do centenario da publicación “Do Noso Lar”, editada en Bos Aires pola Sociedade Mondoñedo y Distritos en 1923. Participan neste acto:
Elena Candia López, deputada autonómica e vicepresidenta do Parlamento Galego.
Pilar Cagiao Vila, académica correspondente da Academia de la Historia de Cuba e representante do Consello da Cultura Galega.
Xosé María García Palmeiro, xornalista e presidente de APECSA
Todas as actividades son de acceso libre e gratuíto.
Convidamos aos mindonienses e cidadanía en xeral a participar nestes actos para homenaxear á nosa destacada conveciña, Andrea López Chao.
Entregarase aos asistentes un exemplar do monográfico ‘Mondoñedo na Memoria’ dedicado a Andrea López Chao e patrocinado polo Concello de Mondoñedo.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
