Viveiro, 11 de novembro de 2023. A alcaldesa de Viveiro, María Loureiro, pídelle á conselleira de Infraestruturas da Xunta, Ethel Vázquez, “que deixe as mentiras e as escusas sobre a VAC”, lamentando que “a Xunta leve 14 anos así, sen ningunha intención de facer a vía de alta capacidade”.
“É a conselleira de todos os galegos e galegas, non a conselleira do PP, os nosos veciños e veciñas non merecen ese trato”, sostén Loureiro.
A alcaldesa engade que “a conselleira sabe que no novo PXOM incluímos o trazado que eles impuxeron” e apunta que “o actual goberno local de Viveiro presentou no pleno unha proposta para instar á Xunta a impulsar o proxecto, mostramos toda a nosa disponibilidade, pero fai falta vontade por parte da consellería”.
No ano 2006, o Consello da Xunta de Galicia (cun goberno bipartito PSOE-BNG) aprobou o trazado da Vía de Alta Capacidade ao seu paso por Viveiro. “Este trazado fora consensuado coa veciñanza, aprobado no Pleno do Concello de Viveiro, aprobado no pleno da Deputación de Lugo e contaba con todos os informes e co estudo de impacto ambiental”, lembra Loureiro.
Houbo un cambio de goberno na Xunta de Galicia e xusto despois da formación do novo goberno autonómico, de xeito inesperado e sen ningún tipo de comunicación previa, o 5 de agosto de 2010 chegou ao concello, para a súa exposición pública, un novo proxecto que recollía un novo trazado, contrario ao consensuado e no que se contemplaba a existencia dun enlace con Viveiro en Magazos.
Nas numerosas accións contra este novo trazado, o goberno local sempre deixou claras cales eran as razóns polas que se opoñía a ese novo proxecto imposto e sen consenso. Ademais, dende o concello solicitáronse diversas reunións cos responsables da área de infraestruturas para tratar esta cuestión.
Pasados os anos, en 2018, a Xunta de Galicia informou da existencia dunha nova proposta consistente na construción dunha ponte sobre a ría. Sobre este novo proxecto, o Concello de Viveiro non chegou a recibir en ningún momento a documentación necesaria para coñecer, de forma concreta, as características desta alternativa.
Loureiro considera que a existencia dunha vía de alta capacidade vertebradora que conecte Viveiro co resto de Galicia e do estado español “é fundamental para garantir o futuro deste municipio, é unha infraestrutura que consideramos esencial e urxente”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
