Foz, 21 de novembro de 2023. O Concello de Foz organiza unha concentración e dous cursos para conmemorar o 25 de novembro, Día da Eliminación da Violencia contra as Mulleres.
A concelleira de Muller e Igualdade, Elena Martínez Pena, anuncia: “Acabouse! é o lema do Concello de Foz para este 25 de novembro, Día Internacional da Eliminación da Violencia contra a Muller. Desde o Concello queremos amosar, baixo este lema, a nosa repulsa contra calquera tipo de violencia machista e transmitir á sociedade a importancia de traballar valores de igualdade e respecto polas persoas”.
Elena Martínez engade que “este ano colabora nesta campaña o equipo feminino de baloncesto Adamo Celtas, do C.B Celtas de Foz, un equipo conformado por algo máis dunha decena de mulleres novas, comprometidas e loitadoras, que se erixen como o equipo revelación da Primeira Autonómica Feminina. Estas rapazas son un clara mostra de que o deporte, como moitos outros ámbitos, non é só masculino e as locais están a ser un gran exemplo de deportividade para toda a xuventude”.
A programación de actividades polo Día Internacional da Eliminación da Violencia contra a Muller en Foz xa comezaron o pasado sábado 18 de novembro cunha Andaina contra a Violencia de Xénero, que se levou a cabo en colaboración coa asociación de camiñantes de Foz Os Sendeiros e a asociación de Mulleres en Igualdade de Burela (BUMEI). Nesta iniciativa participaron máis dun centenar de persoas, que percorreron 14 quilómetros de costa desde a praia de A Rapadoira ata o Centro Cívico de Cangas unidas cun mesmo fin: dicirlle non á violencia de xénero.
Outro dos actos que se van levar a cabo para este 25N como apoio ás 52 vítimas dos feminicidios que se perpetraron neste ano 2023 é unha concentración e lectura do manifesto o vindeiro 24 de novembro ás 19:00 horas, diante da praza do Concello, no que participará tamén alumnado do IES de Foz.
Por outro lado, desde a Aula Universitaria da UNED de Foz tamén se está a ofertar o curso Muller. Falemos claro, que se celebrará do 11 ao 19 de decembro, de 18:00 a 20:30 horas, no Salón de Actos da Casas da Cultura de Foz e onde contarán con profesionais que abordarán diferentes temáticas dedicadas á muller. Para inscribirse no mesmo pode ser por vía telefónica (teléfonos 982.133.699 e 604.034.549) ou no correo electrónico foz@lugo.uned.es.
E para rematar o programa de actividades deste 25 de novembro en Foz, realizarase un ano máis o curso de autodefensa para mulleres ante situacións violentas os días 22 e 24 de xaneiro de 16:00 a 20:00 horas no IES de Foz, que estará monitorizado por especialistas da Federación Galega de Loita e pertencentes ás Forzas e Corpos de Seguridade do Estado. A inscrición abrirase proximamente e poderase facer no teléfono de Servizos Sociais de Foz (teléfono 982.133.566).
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
