José Manuel Gómez Puente denuncia que hai numerosos inconvenientes que sofren os veciños, como a falta de prazas de estacionamento ou os farois das rúas fundidos, que levan meses enquistados no municipio sen que a rexedora teña “ansia” por solucionalos
Barreiros, 7 de novembro de 2023. Os concelleiros populares de Barreiros poñen de relevo a falta de interese da alcaldesa do BNG por solucionar os problemas do día a día da veciñanza, moitos destes atrancos enquistados dende hai meses.
O voceiro popular en Barreiros, José Manuel Gómez Puente, explica que os veciños do municipio sofren a diario diferentes problemas que “pode que de xeito individual non supoñan un gran atranco, pero que en conxunto dificultan o día a día dos barreirenses”.
FALTA DE PRAZAS DE ESTACIONAMENTO
José Manuel Gómez Puente explica que nas proximidades do centro médico hai un solar que se emprega como aparcadoiro público “pese a que dende o Concello de Barreiros defenden que é dun propietario privado”.
A realidade é que este solar emprégase como aparcadoiro dende hai moitos anos e “pese a que o goberno local defende que é dun propietario privado a realidade é que o Concello de Barreiros realiza diferentes traballos de mantemento”.
José Manuel Gómez Puente pide que “no caso de que o concello non negociase co propietario do solar, o goberno local debería ter a apertura de miras suficiente para dialogar co propietario e chegar a un acordo que permita poñelo en boas condicións” xa que coas inclemencias meteorolóxicas do inverno ponse en moi malas condicións.
Tamén sofren problemas para estacionar os veciños das vivendas sociais. Nesta zona é preciso pintar as prazas para aparcar “para garantir o correcto aproveitamento do espazo dada a escaseza de prazas para aparcar”.
ALUMEADO PÚBLICO
Se hai unhas semanas denunciabamos que os veciños da rúa Sarxéndrez e próximas sufrían os problemas de non contar co alumeado público en funcionamento, tamén se da esta circunstancia na rúa que vai dende a N-643 ata as vivendas sociais, na zona na que están o centro médico e o centro sociocultural.
Hai varios farois fundidos que levan varias semanas así “polo que é urxente corrixir esta situación e substituír as lámpadas ou detectar os problemas de funcionamento e corrixilos para dar seguridade aos cidadáns evitando as zonas escuras”.
José Manuel Gómez Puente é claro e contundente: “Non son cousas de onte. Son deficiencias que levan tempo sen solucionarse. Unhas semanas e outras meses, unha clara mostra do deixamento e falta de ganas de traballar dos concelleiros do BNG á fronte do Concello de Barreiros”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
