O voceiro do PP de Foz ve imprescindible revisar todos os estudos económicos cos que PSOE e BNG pretenden xustificar os orzamentos para o vindeiro ano xa que o que van aprobar no pleno deste “xoves negro” é subir o custo da vida para todos os focenses
Foz, 27 de novembro de 2023. “Está facendo oposición á oposición”. Así resume o voceiro popular de Foz, Javier Castiñeira, o que están a facer nas últimas semanas dende o goberno local, concretamente o alcalde e a súa número 2, a edil Inés Couto.
Javier Castiñeira insta ao alcalde e á concelleira de Economía e Facenda a “traballar máis para que Foz teña unhas contas que non suban o custe da vida aos seus veciños que en lugar de preocuparse da oposición”.
O voceiro popular recorda que “o noso traballo é fiscalizar a labor do goberno local e se non fan ben o seu traballo, imos a dicilo e denuncialo publicamente”. “Como tamén denunciaremos cando minte aos veciños en época electoral”, explicou.
Dende o PP de Foz recomendan, por tanto, que tanto Francisco Cajoto como Inés Couto “se centren no seu traballo” e polo tanto revisen os estudos económicos cos que pretenden xustificar a suba de impostos que pretenden aprobar, co beneplácito do BNG, no pleno desta semana cos orzamentos para 2024.
A realidade é que “non están a facer o seu traballo como deberían” polo que todos os desaxustes das contas de Foz para o vindeiro ano van saír moi caros para todos os veciños. “Non fan ben os estudos económicos”, denunciou.
Javier Castiñeira pon como exemplo o custe anual do bar do náutico e das terrazas. Na comisión de seguimento do pleno detectamos que no estudio de costes que van a aprobar PSOE e BNG sobre o bar do náutico establécese un prezo de 500€/ano, polo que “é máis económico alugar este bar por un ano que poñer unha terraza de 10m2 en Foz. “Unha incongruencia absoluta que custe máis a terraza dun negocio de hostalería que alugar un local comercial que acaban de arranxar”, afirmou.
Finalmente, Javier Castiñeira explicou que “estamos en desacordo con todas as ordenanzas que van a subir o custo da vida aos veciños de Foz e co estudo de viabilidade do náutico que trae uns prezos públicos que non se pactaron coa asociación de xubilados”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
