Dous paus e un paradón de Pereira, todo no último minuto do encontro, frustran o empate do Burela que finalmente se queda ás portas da competición ante o equipo do técnico alfoncense, sempre Laranxa, Juanma Marrube
Burela, 21 de novembro, 2023. Esta tarde ás 20.30h no Pavillón Municipal Vista Alegre de Burela xogábase a 4ª Eliminatoria da Copa de S.M. o Rey, Pescados Rubén Burela FS – ATP Iluminación Tudelano Ribera Navarra, un encontro moi complicado para o Burela ao tratarse dun equipo de Primeira División. Ao redor de 700 espectadores puideron gozar dunha competición “de Primeira” en Vista Alegre, e dun partido dobremente especial ao tratarse de o rival liderado polo técnico alfoncense Juanma Marrube, o Mariskal do Pescados Rubén Burela FS, que volveu á casa esta semana a disputar este encontro pero, esta vez, dende o outro lado. Nun partido moi igualado, o conxunto de David Rial fai unha primeira parte espectacular, dominando o encontro nalgúns momentos ante un rival superior e que se ve apertado durante estes 20 primeiros minutos, pero na segunda metade os do Mariskal véñense arriba e superan o ritmo do conxunto local, empatando o encontro e sumando un gol que lles concede o pase de rolda á seguinte fase do campionato.
Na primeira parte o encontro mantense moi igualado, cun arranque con poucos tiros a porta. No minuto 8 Malaguti lanza un fogonazo ao pau despois de contemplar un espectacular paradón de Michal Kaluza que coma sempre non defraudou neste encontro, do mesmo xeito que o porteiro rival Adrián Pereira, especialmente durante os últimos minutos do encontro. Ambos fixeron un papel crucial para o seu equipo durante todo o partido. No minuto 12 chega o gol do burelense Quelle, cun disparo alonxado que toca en Carlos Bartolomeu e cóase entre os paus de Pereira. No minuto 15 outro encaixe espectacular da Muralla Kaluza tras un disparo de Anás desde a banda dereita, dentro da área. No minuto 17 case chega o segundo cun fulminazo de Ismael nun saque de falta que roza o pau e no 18 outra falta peligrosísima a favor do Burela que detén o porteiro rival. Chega o descanso 1-0 no marcador.
A segunda parte é tamén bastante igualada, pero con maiores momentos de dominio do equipo visitante que mantivo un moi bo ritmo. No minuto 28 de novo un paradón espectacular de Michal que desvía co brazo un potente e acertado disparo de Claudino. E chega o gol do empate no minuto 29 cun disparo de Carlos Bartolomé desde case a frontal que toca en Kaluza pero excede a liña de meta. Tras unha falta moi perigosa que tira Nacho e volve sacar Michal, esta vez co pé, a corner, chega o segundo do Ribera Navarra, no minuto 33, de novo Carlos Bartolomé, cun disparo imparable nun rexeite tras un tiro de Claudino que detén o porteiro polaco. Presiona a partir do minuto 35 o conxunto do técnico santiagués con xogo de 5, con varias oportunidades frustradas entre elas una de Ismael no mesmo minuto que, exercendo de porteiro-xogador, tira a portería pero atópase cun infranqueable Pereira que aproveita para sacar rápido á contra pero a xogada vese tamén frustrada polo mesmo Ismael que detén o balón cos pés. No minuto 38 comezan os momentos de infarto comezando cun dos disparos de Álex García que pega no traveseiro rebotando cara abaixo con forza pero non traspasando a liña de gol. A 14 segundos do final chega o segundo pau, esta vez nun disparo lonxano de Isma e case ao toque da bucina, un incrible disparo de Ismael que detén de novo o porteiro do equipo navarro, non deixando tempo para máis e non permitindo pasar de rolda ao Pescados Rubén Burela FS.
Fóra da competición toca centrarse nos partidos de Liga comezando cunha longa viaxe este sábado a Ibiza en busca dunha vitoria moi interesante para continuar escalando e meterse en postos de Playoff, dos que se atopa a 1 punto, nunha Segunda División moi igualada na que pode pasar de todo esta tempada.
Ficha Técnica Pescados Rubén Burela FS – ATP Iluminación Tudelano Ribera Navarra
Pescados Rubén Burela FS (1): M.Kaluza; Lucho, Isma, Flethes, Malaguti -quinteto inicial-, Quelle, Nico Rosental, Alberto, Álex García, Charly, Ismael e Unai (P)
ATP Iluminación Tudelano Ribera Navarra (2): Adrián Pereira; Anás, Soufian, Gabi, Nacho -quinteto inicial-, Espín, Jonhn Lennon, Claudino, Carlos Bartolomé, Alberto Lahuerta, Hamza e Néstor Berga (P)
Goles: 1-0, min.12: Quelle. 1-1, min.29: Carlos Bartolomé. 1-2, min.33: Carlos Bartolomé.
Árbitros: José Manuel Carreira, Rubén Ferrero, Roberto Segundo Amor y Berta García.
TA: David Rial, Isma, Flethes, Malaguti, Soufian, Alberto Lahuerta e Gabi.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
