O Presidente, José Tomé Roca, e o secretario xeral da Confederación de Empresarios de Lugo, Jaime López, selaron este martes un acordo polo que a institución provincial achega 90.000€ á entidade para desenvolver o proxecto Gabinete Empresa Século XXI
Lugo, 12 de decembro de 2023. O Presidente da Deputación de Lugo, José Tomé Roca, e o Secretario Xeral da Confederación de Empresarios de Lugo, Jaime López, asinaron este martes un convenio de colaboración a través do que a institución provincial achega 90.000€ para desenvolver o proxecto Gabinete Empresa Século XXI, dirixido a fortalecer, diversificar e mellorar a competitividade do tecido empresarial da provincia.
No marco do apoio aos sectores produtivos como “unha das grandes liñas de traballo” do Goberno provincial, esta nova colaboración coa CEL serve para facilitar gratuitamente ás empresas -sobre todo ás PEMES e autónomos- as ferramentas e o asesoramento que necesitan para adaptarse ás circunstancias cambiantes e competir así con éxito no mercado actual”, mellorando “a súa capacidade para xerar riqueza e emprego e, con elo, contribuír a fixar poboación”, explicou o Presidente.
O proxecto Gabinete Empresa Século XXI inclúe xornadas formativas sobre financiamento e negociación bancaria ou sobre nova lexislación; actividades para fomentar a industrialización do rural; estudos para mellorar a planificación loxística; o impulso da prospección comercial ao mercado internacional; ou a publicación de Lugo en Cifras, unha recompilación actualizada dos datos demográficos, sociolaborais e económicos máis significativos da provincia de Lugo.
“Dirixímonos especialmente ás PEMES e ós autónomos. Primeiro, porque representan o 99% do tecido empresarial da provincia. É dicir, son o gran músculo da economía lucense. Pero tamén, porque, debido ás súas características, teñen máis dificultades para desenvolver pola súa conta actividades de formación e de actualización”, subliñou José Tomé.
Co acordo de colaboración asinado hoxe entre o Presidente da Deputación e o secretario xeral da Confederación de Empresarios lucense, a institución provincial fortalece o apoio ao tecido empresarial en beneficio do conxunto da provincia porque, con proxectos coma este, “contribuímos a fortalecer, a diversificar e a mellorar a competitividade do empresariado. Polo tanto, estamos mellorando a capacidade das empresas para xerar riqueza e emprego no conxunto do territorio e, desta forma, estamos axudando a fixar poboación”.
José Tomé avanzou que “a boa disposición da CEL para deseñar actividades de interese buscando a colaboración de todos os axentes sociais vai encontrar sempre a man tendida da Deputación, dende o convencemento de que todo o que facemos xuntos polo ben da provincia acada un resultado mellor, e tamén obxectivos de maior impacto”.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
A convocatoria foi realizada polo Concello para amosar a solidariedade de Ribadeo con esta catástrofe natural.
