Burela, 29 de decembro de 2023. As Fillas do Divino Celo – Rogacionistas contan desde o pasado 1 de novembro cun novo concerto social para a atención de menores no seu Centro de Día de Burela, como parte da política de prevención e coidado e en materia de preservación familiar.
Dáse resposta, deste xeito, á demanda existente na área de atención a menores no ámbito comarcal da Mariña, evidenciada na sobreocupación que vén rexistrando estes últimos anos.
Os Centros de Menores San Aníbal atenderon ao longo deste ano que termina a un total de 48 menores, pertencentes a 36 unidades familiares. Este total de usuarios repártese entre o Centro de Día (36 menores) e a Casa de Familia (12 menores).
Centro de Día de Menores San Aníbal
O Centro de Día é o centro de protección de menores concertado coa Xunta de Galicia no que se dá acollida a nenos en réxime de atención de día e que seguen vivindo coas súas familias. Está operativo os 7 días da semana, en horario de 8 da mañá a 10 da noite.
Trabállase con grupos reducidos de menores (en función da súa idade e circunstancias) e dáse atención socioeducativa ás súas familias.
Coa entrada en vigor do novo concerto social o pasado 1 de novembro, o número de prazas pasa de 20 a 30. O orzamento destinado a este Centro por parte da Consellería de Política Social e Mocidade foi, este ano, de 766.000 euros.
Dos 36 usuarios atendidos ao longo de 2023, o 75% son nenos ou adolescentes (27) e o 25% son nenas ou adolescentes (9), replicando a porcentaxe do ano anterior. Os usuarios, con idades comprendidas entre os 3 e os 18 anos, ostentan maioritariamente a nacionalidade española (o 83%).
Os concellos de procedencia destes usuarios son: Burela, Foz, Ribadeo, Ferreira do Valadouro e Cervo.
Durante o ano 2023, a sobreocupación do Centro foi do 10%.
Casa de Familia San Aníbal
A Casa de Familia é o noso centro residencial para menores entre 0 e 18 anos que, debido a diferentes circunstancias, atópanse en situación de garda ou tutela pública pola Xunta de Galicia. Funciona cun equipo multidisciplinar de educadores que acompaña aos menores en modalidade 24 por 7.
Ao longo de 2023, atendeuse neste centro a 12 usuarios (8 mozos e 4 mozas). A maioría destes usuarios, concretamente 8, son de nacionalidade española.
Os municipios desde os que chegan estes usuarios son Foz, Viveiro, Ribadeo, Burela, Xove, Lugo, Sarria e Gran Canaria (un menor non acompañado).
O orzamento da Consellería de Política Social e Mocidade para esta casa-fogar foi de 300.000 euros.
A Casa de Familia, que conta con 8 prazas, tivo durante este ano que termina unha sobreocupación do 19%. Actualmente, son 11 os mozos que residen nela.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
