Ribadeo, 12 de decembro de 2023. O alcalde, Daniel Vega, fai unha valoración positiva da acollida que están a ter a pista de xeo e RibaXogo e do éxito acadado polo Festival de Jazz&Blues. E convida a disfrutar da ampla programación deseñada para as festas de Nadal e pensada para todos os públicos.
O rexedor subliñou que “Ribadeo está de moda tamén no Nadal. Rúas cheas de xente foi o que se puido ver durante esta pasada ponte. Estamos sendo visitados este Nadal dende todos os puntos do mapa español. Énchenos de ledicia, pero tamén de responsabilidade: debemos organizar todas as actividades coa máxima esixencia. Somos un pobo referente, altamente turístico, e debemos presentar as actividades ben programadas e de nivel”.
Vega dixo que “organizamos todo o que se puido, é difícil observar un concello cunha programación de Nadal tan abundante, de tanto nivel. E iso non o dicimos nós senón que o están comentando por todos os sitios. Creo que se organizou coa máxima responsabilidade, e iso é grazas a Acisa, grazas aos técnicos do Concello e grazas á colaboración de todos os veciños de Ribadeo, que estamos traballando conxuntamente, entre todos, como sempre dicimos”.
O alcalde indicou que “este Nadal viviu esa primeira parte do 1 ao 10 deste mes. E agora empezamos a segunda parte, dende o día 16 ata a Cabalgata de Reis. O 16 imos ter o festival da Escola Municipal de Música no auditorio Hernán Naval. O día 17 de catro e media a sete e media da tarde vai haber xogos infantís no pavillón que está situado na rúa Alfredo Deaño. O coro Sagrado Corazón estará cos nosos maiores e visitará o 18 o centro de día e o 21 a nosa residencia. O 23 vai haber por primeira vez un musical en Nadal, La gran aventura de los Reyes Magos, no auditorio Hernán Naval ás cinco da tarde; e ás 20:45 horas o xa tradicional festival de panxoliñas na igrexa parroquial de Ribadeo”.
Dani Vega seguiu a relatar que “os días 26 e 27 temos o Cine de Nadal en Cinelandia e o 29 ás 12:00 horas hai a Marcha Interxeracional San Silvestre Máis metros, máis posiblidades, eses metros interxeracionais pola accesibilidade e a inclusión; creo que é unha actividade chea de responsabilidade, cunha entrega absoluta e tamén para renderlle homenaxe a todos os nosos maiores. E despois, ás 20:00 horas, empeza a festa pre fin de ano e noite de versións na carpa situada no Cantón dos Moreno. Ás 20:30 hai o concerto Aquí como en Viena no auditorio Hernán Naval e a noite pre fin de ano seguirá e ás doce convido a todo o mundo a participar tomando as uvas conxuntamente, que eu creo que é algo importante, que nos propuxo a asociación Catro Canos, que organizan tan ben as actividades, unha delas o Vendaval Fest, que é un referente sen lugar a dúbidas xa do mapa de festivais que temos na comarca, na provincia e en Galicia, polo que hai que felicitalos e sentímonos moi orgullosos de ter persoas coma vosoutros”.
O rexedor contou que “temos tamén o día 31 a carreira San Silvestre; o 3 de xaneiro, as actividades do programa Preto de ti, coa visita do Paxe Real en Cedofeita. Ademais hai o concerto de Reis, con Son de Seu e a Coral Polifónica de Ribadeo na igrexa parroquial o día 4. O 5 terá lugar a gran Cabalgata dos Reis e o día 13 o concerto de Reis con Emilio Rúa acompañado do coro Sagrado Corazón, tamén na igrexa parroquial. Ademais seguimos co Ribaxogo, coa pista de xeo e con todas estas actividades culturais e musicais”.
Para Daniel Vega “estamos sendo un referente no Nadal, estamos traballando para facer estas actividades coa máxima responsabilidade e pensando en todos: nos maiores, nas persoas que queren participar deses eventos culturais como o festival de jazz e blues, que foi un gran éxito e agradecémoslle aos organizadores todo ese traballo conxuntamente co Concello e a Xunta de Galicia; e pensando tamén nos máis pequerrechos e nas familias, porque a pista de xeo e Ribaxogo tamén se están convertendo nun referente dende Oviedo ata practicamente Coruña porque non hai pista de xeo nin na capital da provincia”.
E engadiu: “creo que Ribadeo está facendo as cousas con moito sentido, como moita responsabilidade e realizando unha programación para todos os públicos”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
