O voceiro popular pide a Cajoto “que deixe de insultar á intelixencia de todos os veciños de Foz” e permita que entre todos se chegue a unha solución de consenso para dar unha solución axeitada para todos os afectados
Foz, 4 de decembro de 2023. O voceiro do PP de Foz, Javier Castiñeira, afirma que o equipo de goberno “non vai polo bo camiño como tampouco sabemos que lles pasa pola cabeza á hora de tomar determinadas situacións”, en referencia á carta que recibiron todos os focenses en relación aos problemas coa rede de abastecemento do pasado verán.
Javier Castiñeira sinala que “se non tiñamos pouco coas subas de impostos absolutamente desproporcionadas do pasado ‘xoves negro’” agora vemos como todos os usuarios do servizo de abastecemento de auga municipal recibimos unha carta na que o señor Cajoto e a concesionaria do servizo comunican que “van a bonificar no próximo recibo uns 60 céntimos de euro”. “Iso é o que se entende porque din que van a compensar reducindo un 10% da cota fixa”, explicou.
A cota fixa que pagan os veciños de Foz é de 6€, polo que se reducen 60 céntimos. “Unha auténtica vergonza e un insulto á intelixencia de todos os focenses”, denuncia.
O voceiro popular di que “se pensan que con 60 céntimos van a compensar todas as molestias que sufriron os veciños e empresarios do municipio están a faltar á intelixencia de todos os veciños”.
Ante esta situación, dende o Partido Popular de Foz afirman que seguimos ao carón dos veciños para defendelos polo tanto pedimos a convocatoria dunha comisión de seguimento para, entre todos, valorar, cal vai a ser a compensación. “Do contrario, ante as reiteradas negativas do equipo de goberno, iremos ao Valedor do Pobo para defender a todos os veciños de Foz deste absoluto atraco”, anunciou.
Se a finais de ano soben os impostos argumentando que subiron moito os prezos, á hora de bonificar fan absolutamente o contrario, “vanse aos mínimos posibles”. Hai veciños que tiveron máis de 700€ de recibo de auga e 60 céntimos son uns poucos litros de auga.
“Non é que non compensen os custes de tanto tempo sen poder usar a auga e ter que mercala no supermercado durante máis de 50 días, se non que é unha auténtica vergoña que o alcalde de Foz veña con estas contas” denunciou Castiñeira, ao que engadiu que “dende o Partido Popular seguiremos a denunciar os atracos que lle está a meter á cidadanía neste final de ano”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
