As axudas de 2023 convocadas en abril non se resolveron ata o 20 de novembro e, tendo en conta que o prazo de execución remata o 31 de decembro, “as asociacións que agardan polas axudas non dispoñen de marxe para organizar e pagar as actividades e as demais tiveron que arriscar e adiantar os fondos ao longo do ano sen saber se a Deputación ía pagar”, din dende o PP
Lugo, 11 de decembro de 2023. O portavoz do Grupo Provincial Popular, Antonio Ameijide, condena “a tardanza de 6 meses por parte do goberno provincial en resolver as subvencións a entidades asociativas para a realización de actividades culturais neste 2023”. Isto para os populares evidencia “a mala xestión do BNG á fronte desta área”.
O voceiro explica que “as axudas a entidades culturais para o desenvolvemento de actividades convocadas en abril non se resolveron ata o 20 novembro, cando o prazo de execución remata o 31 de decembro”. Isto supón que aquelas que agarden pola concesión da axuda non disporán practicamente de tempo para organizar, celebrar e pagar para xustificar -antes do 31 de marzo do 2024- as actividades. E, no caso das restantes, “terían que arriscar e adiantar ao longo do ano os fondos sen saber se dispoñen da axuda coa que contribuír a financiar as súas actividades”.
En calquera caso, “esta falta de dilixencia é un prexuízo para o tecido asociativo e cultural da provincia”, ademais dunha demostración de “falta de seriedade”. Para o popular as administracións deben apoiar o desenvolvemento das actividades das asociacións, pero “a falta de axilidade da área de Cultura provoca que teñan que traballar sen previsión”.
Ameijide lembra que, “segundo a resolución da convocatoria do 2022, foron 77 as entidades asociativas ás que se lles desestimou a axuda por actividades culturais ás que hai que engadir unha que desistiu e outras 15 que perderon o dereito a cobro”. Á vista destes datos que “demostran que moitas entidades quedan fóra das axudas, é evidente que non se están facendo as cousas ben” e agarda que este ano “non sexan aínda máis as entidades que queden sen axudas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
