Xove, 29 de xaneiro, 2024. “Como veciños de Xove, e como partido socialista tamén, somos conscientes do mal estado das estradas propiedade da Deputación no noso concello e do seu deterioro. Un dos motivos para presentarnos ás eleccións foi este, intentar arranxar o seu estado, e foi a nosa meta dende que a nosa representante tomou posesión como concelleira, xa que escoitamos aos veciños e sabemos o problema que isto supón”.
“Dito isto, queremos compartir que a nosa concelleira, Rogelia Mariña, acompañada de dous membros da candidatura, mantiveron unha reunión de traballo co Presidente da Deputación, José Tomé, para trasladarlle a situación na que se atopan as estradas de Xove propiedade deste órgano”.
“Trasladámoslle o pésimo estado, xa que fai moitos anos que pouco ou nada se fixo en mellorar estas vías de comunicación vitais, xa que comunican a capitalidade coas parroquias da Rigueira e Penas Agudas, con Lago e Morás, co Cruceiro e Vilachá e Portocelo, un total de máis de 40 km que actualmente están intransitables”.
“Por todo isto propuxemos a Tomé retomar ese convenio onde a Deputación pon o 50% do custo e o concello o outro 50%, aínda que supón unha cantidade importante, pedímoslle ese esforzo para facer un acondicionamento que perdurara nos próximos 50 anos e en beneficio da zona rural. Si queremos que non perda poboación hai que poñer servizos, e éste é un dos máis importantes”.
“Despois dun intercambio de opinións, de información, Tomé aceptou poñer en marcha este convenio, sempre que o concello acepte o acordo”.
“Por iso desde o grupo socialista trasladamos tamén esta proposta ao Alcalde de Xove, o sr Salgueiro, que en principio estivo en acordo en cumprir coa parte que lle corresponde do concello, e era unha boa nova para todos e todas. Actualmente, o partido socialista de Xove considera moi positiva esta xestión, e estamos á espera de que a Deputación redacte o acordo e faga os proxectos necesarios coa súa correspondente valoración técnica e económica”.
A máis tardar, quedaría asinado en primavera polo alcalde e polo presidente da Deputación. Con isto poñerase fin a un problema que leva anos enquistado e que todos os veciños sufrimos a cotío.
“Parécenos que a forma de proceder do PP de Xove é unha falta de respecto ao acordo, e unha falta de palabra do alcalde, Demetrio Salgeuiro. Con esta actuación de carretar xente para manifestarse en Lugo, sabendo que hai un preacordo, é un intento de romper o aprobado”.
“O interese por arranxar as estradas en etapa electoral dilúese e os intereses dos veciños pasan a ser secundarios, cando o único obxectivo desta acción é facer ruído en precampaña, apañar algún “votiño” e igual buscar un posto no futuro goberno da Xunta, importándolle pouco ou nada o pobo de Xove. Dende o partido socialista, animámolo a que tamén pode poñer outro autobús para ir o dia 4 de febreiro a Santiago, á manifestarse por unha sanidade pública e de calidade. Mais igual iso xa non interesa tanto?”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
