O delegado territorial de Lugo, Javier Arias, explicou que se destina un orzamento de 156.500 euros á intervención, que tamén mellorará a accesibilidade ao templo e á torre do reloxo
Meira, 11 de xaneiro de 2024. A Consellería de Cultura, Educación, Formación Profesional e Universidades vén de licitar as obras de restauración da fachada principal da igrexa de Santa María de Meira, cun orzamento de 156.500 euros.
O delegado territorial da Xunta en Lugo, Javier Arias, explicou hoxe que se actuará sobre os paramentos para resolver danos froito da climatoloxía e da erosión, como a filtración de humidades, fisuras e gretas, tal e como se recolle no inicio do procedemento administrativo publicado na Plataforma de Contratos Públicos de Galicia.
Así mesmo, inclúese a intervención en elementos singulares: a portada románica, a porta principal e a porta tapiada do baptisterio, o rosetón, as xanelas, a torre do reloxo e un tramo da fachada sur ata o primeiro contraforte.
Por último, melloraranse as condicións de accesibilidade ao templo, substituíndo a actual rampla metálica por outra de pedra e con menor pendente, e no acceso á torre do reloxo colocarase pavimento antideslizante e unha varanda para reforzar a seguridade.
As empresas interesadas en optar á licitación poden presentar as súas ofertas ata o día 7 de febreiro. O prazo máximo de execución das obras será de seis meses e a previsión é que poidan comezar na primavera.
Características
A igrexa de Santa María de Meira ten a consideración de Ben de Interese Cultural coa categoría de monumento. Trátase dun templo cisterciense do século XII que formaba parte do mosteiro benedictino, hoxe practicamente desaparecido.
A fachada principal da igrexa é unha das tres de estilo cisterciense que se conservan en Galicia, xunto co mosteiro de Santa María de Armenteira (Pontevedra) e o de San Clodio (Ourense). Na parte superior sitúase un magnífico rosetón de columnillas radiais. A portada está composta por un arco de medio punto e tres arquivoltas que descansan sobre columnas acodilladas con capiteis vexetais.
As follas da porta son de madeira e conserva uns ferraxes medievais con decoración de gran valor artístico. Á esquerda da fachada consérvase a porta do baptisterio, tapiada probablemente a principios do século XX.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
