A nova concelleira releva na corporación a Marisol Rey Yáñez tras a renuncia desta á súa acta, pasando a súa responsabilidade de Turismo ás competencias da alcaldesa, María Loureiro
Viveiro, 11 de xaneiro de 2023. Catalina Fernández Méndez tomou posesión como nova concelleira de Benestar Social, Sanidade e Infancia en Viveiro no pleno ordinario realizado onte.
A entrada de Fernández Méndez na corporación municipal prodúcese despois da renuncia da ata agora concelleira de Turismo, Marisol Rey Yáñez, á súa acta por motivos estrictamente profesionais.
As competencias de Turismo serán asumidas polo momento pola alcaldesa de Viveiro, María Loureiro, co obxectivo de “seguir adiante cos temas que temos pendentes, como pode ser o de Fitur”, explica.
“O turismo é fundamental para Viveiro, xa que o sector servizos supón máis do 50% de emprego no municipio, e polo tanto dende o Goberno local dámoslle moita importancia”, sinala Loureiro.
A alcaldesa destaca tamén que “a anterior concelleira, Marisol, a pesar de non contar con dedicación exclusiva do Concello, levaba todo ela dada a súa profesionalidade e dedicación”. “O seu papel na visibilización e no aproveitamento do potencial turístico de Viveiro foi fundamental nos últimos anos”, engade.
“Grazas a todo o traballo feito, o turismo na vila estase desestacionalizando, afianzándose como un sector clave xunto co pesqueiro ou o forestal”, explica Loureiro. “Ademais, estamos traballando así mesmo para fomentar e atraer a industria, como facemos coa reivindicación da VAC Costa Norte ou coa aprobación do Plan Xeral entre outras actuacións”, conclúe a alcaldesa.
Pola súa banda, Fernández Méndez destacou a súa “ilusión por formar parte do equipo de goberno e traballar por todos os veciños e veciñas de Viveiro”, sinala a nova concelleira, que é tamén médica internista no Hospital Público da Mariña.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
