Ribadeo, 9 de xaneiro de 2024. O alcalde, Dani Vega, anima aos propietarios de vivendas sitas nos Aris de Ribadeo e de Rinlo a solicitar subvencións para a súa rehabilitación. A partida destinada a este fin achégase aos 100.000 euros.
O rexedor dixo: “animamos a todos os propietarios que teñen vivendas no casco histórico de Ribadeo e tamén no conxunto da vila mariñeira de Rinlo. Animar a solicitar estas subvencións para rehabilitar, dinamizar e conservar entre todos estes espazos significativos”.
Para Dani Vega “no conxunto histórico de Ribadeo non debemos botar por terra todo o traballo que se fixo durante todos estes anos, todo o contrario, debemos pisar o acelerador, debemos traballar intelixentemente e cunha estratexia clara”.
O alcalde considera que “o Concello ten que facer un traballo importante, pero tamén podemos facelo a título particular e todos os propietarios que teñen unha vivenda no casco histórico de Ribadeo teñen que saber que teñen a oportunidade de solicitar unha subvención para conservar e rehabilitar o seu fogar. Isto é importante. Tamén a vila mariñeira de Rinlo, a vila por excelencia mariñeira, a vila máis importante que ten esas connotacións, que ten esa vida propia, debemos conservala entre todos. E tamén teñen a oportunidade de solicitar estas subvencións”.
Vega explicou que “o prazo de solicitude xa está aberto e remata para xustificar toda a obra o 30 de abril de 2025. Hai un tempo considerable e importante para facer os traballos”.
O rexedor contou que “hai que cumprir varios criterios como pode ser mellorar as condicións de habitabilidade e accesibilidade das vivendas, tamén unha presenza significativa da unidade de acción no espazo público, por razón socioeconómica así como medidas de aforro enerxético”.
O alcalde ribadense cre que “son medidas que se poden cumprir perfectamente. Nós desde o Concello estamos a disposición todos os días da semana para asesorar e para informar na unidade técnica do Ari. Entre todos imos seguir avanzando e apostando polo casco histórico de Ribadeo, algo moi importante que se fixo nestes anos e non hai que tiralo por terra, hai que seguir trazando unha estratexia clara. O propio Concello ten que facer moitos traballos, que os está a facer, pero tamén ten que haber unha unidade estratéxica de acción coas distintas administracións e neste caso falo coa Xunta de Galicia. Seguimos colaborando con eles para inxectar este orzamento, que ven da Xunta, e nosoutros imos informar, asesorar e traballar conxuntamente, que é o mais importante”.
O prazo de solicitude destas axudas está aberto ata o vindeiro 18 de febreiro.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
