Rego: “Se a factoría incumpre os seus compromisos, BNG defenderá no Estado unha intervención pública para manter os traballos e a actividade”
Madrid, 22 de xaneiro de 2024. O portavoz do BNG no Congreso, Néstor Rego e a cabeza de lista da organización nacionalista por Lugo nas eleccións galegas, Olalla Rodil, declararon á saída da reunión mantida co Comité de Empresa de Alcoa que BNG defenderá a intervención pública para manter a continuidade da factoría e o mantemento dos postos de traballo no caso de non cumprir Alcoa cos compromisos.
Néstor Rego deixou claro o apoio do BNG e a disposición a colaborar desde as institucións e desde todos os ámbitos para conseguir que “Alcoa cumpra o Acordo que ten asinado e os seus compromisos: que constrúa o forno de ánodos, que reinicie as cubas, que se poña en funcionamento a planta”. Sinalou que “vamos continuar a defender no Estado unha intervención pública si Alcoa non garante esa continuidade. Unha intervención pública que teña por obxectivo manter a actividade na Mariña, manter o conxunto dos empregos e darlle futuro a esta planta”.
Outras iniciativas que o deputado do BNG puxo enriba da mesa foron: a modificación do Estatuto do Consumidor Electrointensivo para establecer esa categoría específica de industria hiperelectrointensiva, a compensación por CO2 levándoa ao máximo que permita a UE, unha tarifa eléctrica galega que elimine, entre outros, os custes do transporte e faga mais competitiva a industria do noso País.
Olalla Rodil: “Se BNG goberna na Xunta, haberá participación do Goberno galego na intervención da fábrica”
Pola súa parte, Olalla Rodil trasladou “todo o apoio do BNG para darlle unha solución xa a esta conflito. Levamos demasiados anos con esta espada de Damocles enriba desta factoría e para nós é vital que se solucione xa dunha vez de maneira definitiva”.
Asegurou que se “a partir do 18 de febreiro conseguimos a confianza dos galegos e das galegas para gobernar este pais, o BNG vai poñer encima da mesa un compromiso firme de participar nunha intervención pública desta fábrica para darlle continuidade aos postos de traballo e a actividade industrial”. Salientou que Alcoa-San Cibrao é a única planta de produción de aluminio de todo o estado. “Falamos dun sector estratéxico polo que representa para o presente e para o futuro industrial do noso País. Se a partir do 18 gobernamos na Xunta vai haber unha participación do goberno galego na intervención da fábrica”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
