“Era necesario aprobala e para ter o mellor texto posible abrimos unha consulta veciñal e modificamos o primeiro borrador tras atender as peticións do sector”, explica a alcaldesa, Carmela López
Burela, 30 de xaneiro de 2024. O Concello de Burela leva ao pleno deste xoves para a súa aprobación inicial a nova Ordenanza municipal reguladora da instalación de terrazas ao aire libre ou na vía pública.
“Era necesario aprobala e para ter o mellor texto posible abrimos unha consulta veciñal e modificamos o primeiro borrador tras unha reunión co sector”, explica a alcaldesa, Carmela López, que garante que o obxectivo do concello “é axudar á hostalaría e compaxinar a súa actividade co benestar veciñal”.
O grupo de goberno local impulsou o regulamento ante o incremento das terrazas e do espazo público empregado para as mesmas. “É unha boa sinal e o que queremos é establecer un equilibrio entre a actividade económica e o impacto que provoca”, engade a alcaldesa.
Para a redacción da normativa, houbo unha reunión co sector da hostalaría tras a que o concello “fixo modificacións do primeiro borrador atendendo as súas peticións”. Abriuse tamén unha consulta pública a traves dun formulario para que todos os veciños e veciñas enviasen a súa opinión.
“O texto dinamiza, simplifica e facilita o uso de actividades económicas privadas na vía pública, compaxinándoo co resto das actividades e o respecto ao medio ambiente urbano. Todo iso, fixando procedementos e condicións técnicas claras e sinxelas, en aras do interese xeral e velando por garantir o respecto aos dereitos dos viandantes, os consumidores e a seguridade das instalacións”, remata Carmela López.
Na sesión de mañá levase tamén para a súa aprobación a desafectación do ben inmoble onde se sitúa a Fundación Eu Son, cambiando a súa cualificación de ben de dominio público a ben patrimonial.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.