Critica que Rueda “non dea a cara” e fuxa do Parlamento, incapaz de explicar a súa “nefasta” xestión da marea plástica que inunda as praias do País
Santiago de Compostela, 12 xaneiro 2023. A portavoz nacional e candidata á Presidencia da Xunta, Ana Pontón, denunciou no Parlamento galego que a “incompetencia” do Goberno de Alfonso Rueda na xestión da crise da marea plástica está danando a imaxe de Galiza e ao sector pesqueiro.
Pontón advertiu que a “neglixencia” dun Executivo do PP “incapaz de actuar” dana a imaxe do País e ao sector pesqueiro e marisqueiro, ao que trasladou todo o apoio do BNG e que “leva os últimos 14 anos soportando unha caída constante da actividade e as capturas”, algo no que, segundo recalcou, ten moito que ver a “inacción” do PP “no coidado do noso mar”.
“Galiza merécese un Goberno que estea á súa altura; lamentablemente, o do PP demostrou que non está á altura dos galegos e das galegas, nin á da xente do mar deste País”, censurou na súa intervención na Deputación Permanente da Cámara.
Pontón afirmou que a resposta do Executivo galego á crise “foi a peor das posibles” diante dun “desastre ambiental” no que Galiza soporta unha marea de plástico de 26 toneladas e afeou a Rueda non “dar a cara” e fuxir do Parlamento, incapaz de explicar a súa “neglixente” xestión da marea plástica. “A pregunta hoxe é moi clara: onde está o señor Rueda e por que se esconde para non dar explicacións no Parlamento galego?”, cuestionou.
Repasando a cronoloxía dos feitos, a líder nacionalista reprochou ao PP que repetise o mesmo “infame protocolo” de “ocultación, mentiras, manipulación e incompetencia” que xa utilizara no Prestige, mesmo rozando o ridículo “con algunhas declaracións disparatadas que sorprenden, indignan e dan vergoña allea a partes iguais”.
“Non estamos ante outro Prestige e menos mal!”, exclamou para advertir que o que acaba de demostrar o Executivo do PP “é que a nosa costa segue igual de indefensa” que “cando hai 22 anos o chapapote cubriu este País”, o que cualificou de “intolerable”.
Neste sentido, recordou que o PP tentou, en primeiro termo, ocultar os feitos, cun Rueda que tardou un mes en manifestarse sobre o vertido e “a súa gran aportación foi criticar a quen estaba denunciando a marea de plástico e pedindo actuacións”; en segundo lugar, pretendeu minimizar o desastre; e, en terceiro, puxo en marcha unha campaña de lavado de cara “utilizando os medios públicos para manipular”.
“E seguen mentíndolle aos galegos e ás galegas”, recriminou á vicepresidenta Ánxeles Vázquez, á que reprochou que presumira de xestión cando a Xunta tardou en intervir máis dun mes dende ter coñecemento do vertido e cando o propio Plan CAMGAL especifica que tería que ter decretada a alarma anticontaminación dende o primeiro momento, por certo, chegase a contaminación dende instalacións en terra ou por mar.
“Chega unha marea plástica, pero se non avisa o Goberno estatal, non fan nada? Pero que clase de Goberno é este”, cuestionou para, a continuación, sinalar que os 300 efectivos anunciados pola Xunta só están operativos en fin de semana e que, no mellor dos casos, con 55 areais afectados, significa dispor de só 5,4 operarios por praia, o que considerou totalmente insuficiente.
Ofrecemento de toda a colaboración do BNG
A portavoz do Bloque preguntouse como é posible que a cidadanía galega fose quen de autoxestionarse e organizarse en 48 horas e o Executivo galego e o central sexan incapaces de coordinarse para traballar na “máxima prioridade”, que é a limpeza do litoral galego.
Nesta liña, reclamou a ámbolos dous gobernos, aos que ofreceu toda a colaboración do BNG, que “paren as súas liortas, a súa confrontación inútil” e se poñan a traballar dunha vez “man a man, coordinadamente e con todos os medios necesarios” para limpar o litoral galego afectado pola marea plástica porque, segundo recalcou, o que menos necesita este País “son as liortas e a confrontación partidista e electoralista que se traen entre vostedes”.
Pontón rematou a súa intervención aconsellando con toda a humildade ao “señor Rueda ausente” que non menosprece a intelixencia dos galegos e das galegas tentando tapar con mentiras e insultos a súa “nefasta xestión deste desastre ambiental”. “É unha falta de respecto ás miles de persoas que se mobilizaron para defender as nosas praias”, concluíu.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
