Será presentada nun acto na Casa de Galicia en Madrid o 25 de xaneiro. A escritora e xornalista Sonsoles Ónega será a encargada de dar a coñecer os potenciais ribadenses
Ribadeo, 16 de xaneiro de 2024. Ribadeo a contrapunto é a nova marca turística do Concello, que será presentada nun acto na Casa de Galicia o vindeiro 25 de xaneiro. A escritora e xornalista Sonsoles Ónega será a encargada de dar a coñecer os potenciais ribadenses. O alcalde, Dani Vega, presentou esta mañá no salón de plenos a campaña de promoción, xunto á concelleira de Turismo, Marta Saiz, e á presidenta e o xerente de Acisa, Carmen Cruzado e Jesús Pérez.
Concello e Acisa asistirán xuntos a Fitur 2024 con tres obxectivos: “evidenciar o potencial turístico de Ribadeo, expoñer as liñas estratéxicas que nos guían e mostrar as ferramentas que utilizaremos para consolidarnos como un dos piares turísticos do norte de Galicia. En Madrid presentaremos a nova campaña publicitaria, manteremos reunións e estableceremos contacto con diversos axentes turísticos e entidades relacionadas coa promoción do turismo”, segundo puxo de manifesto o alcalde, Daniel Vega.
A Casa de Galicia acollerá o 25 de xaneiro ás nove da noite a presentación da nova marca turística de Ribadeo: “que reflexa un Ribadeo con carácter propio marcado pola súa historia, tradición, cultura e xeografía. Unha forma diferente de coñecer Galicia, rompendo estereotipos e dando outra visión do que pode ser a nosa terra, pois Ribadeo baila con ritmo propio. No acto de presentación acompañaranos Sonsoles Ónega, periodista, presentadora de televisión e escritora, na actualidade conduce o programa televisivo Y Ahora Sonsoles. O seu amor por Galicia e Ribadeo converterana na mellor das anfitrioas”.
A imaxe que reflicte Ribadeo, a contrapunto é un metrónomo, un aparato que empregan os músicos para medir os tempos das súas composicións: “Ribadeo ten o seu ritmo propio, dinámico e constante. E niso queremos incidir”.
O rexedor explicou que “poñendo o toque culinario e representando a gastronomía ribadense uniranse ao acto os establecementos hostaleiros A Horta de San Roque, El Oviedo, La Solana e Ramonita. Todas e todos eles prepararán unha serie de petiscos baseados en produtos de proximidade”. A velada estará amenizada por Guillermo Cruzado, músico ribadense afincado en Madrid.
Vega indicou que “con esta nova campaña de comunicación, mostraremos que esta singularidade que nos caracteriza non é froito do azar, o noso territorio presenta grandes contrastes, infinidade de espazos, dende unha costa monumental ata unha ría de augas mansas, dende vales de interior ata os horizontes abertos da rasa, dende as aldeas tradicionais, ata a sofisticación cosmopolita das casas indianas. Mar e montaña, tradición e modernidade móstranse en harmonía nun destino vivo enriquecido pola súa oferta gastronómica, comercial e cultural, ben preparado para recibir visitantes”.
E engadiu: “somos conscientes de que debemos seguir traballando e avanzando como espazo turístico innovador, accesible para todas e todos, consolidado sobre unha infraestrutura tecnolóxica de vangarda que garanta o desenvolvemento sostible do territorio, que facilite a interacción e integración do visitante coa contorna e incremente a calidade da súa experiencia; e á súa vez, aumente a calidade de vida dos e das residentes”. O rexedor agradeceu o traballo realizado para a promoción turística por parte de todos os alcaldes e os gobernos municipais anteriores.
Iñaki Gazterumendi, consultor estratéxico do sector e fundador de Verne Tourism Experts, será o encargado de desenvolver o ambicioso Plan Estratéxico de Turismo que, durante os próximos 4 anos, acabará de consolidar a Ribadeo como un dos destinos vacacionais máis desexados.
A presidenta de Acisa, Carmen Cruzado, dixo que “Acisa acompañará un ano máis ao Concello na promoción turística que realizará en Madrid, na Casa de Galicia, a vindeira semana e participará nas reunións de traballo en Fitur co obxectivo común de atraer visitantes ao longo de todo o ano”.
Cruzado sinalou que “Ribadeo ten potenciais dabondo para mostrar a quen nos visite durante todo o ano. Temos costa e interior, temos mar, ría e monte; Ribadeo ten un pasado comercial, ilustrado e indiano espectacular… Ribadeo conta cuns produtos da horta incribles, a hostalería sempre está disposta a sorprender a quen se achega ata aquí con exquisitos peixes, mariscos e carnes. Temos hostalería tradicional e innovadora, temos un comercio referentes en toda a contorna… E estamos moi ben comunicados por autovía, e a tiro de pedra do aeroporto e do tren de alta velocidade da veciña Asturias”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
