Ribadeo, 19 de xaneiro de 2024. Teatro afeccionado, actividades para a picaraxada, música ou charlas conformar a axenda cultural de Ribadeo para o primeiro trimestre de 2024, que foi presentada pola concelleira Begoña Sanjurjo.
A edil de Cultura contou que “comezamos a presentación desta programación trimestral, que xa tivo como saben neste mes varios eventos vinculados á época de Nadal, inmersas nunha proposta da Área de Igualdade que ten tamén un cariz cultural. Hoxe mesmo, na Casa do Viejo Pancho, o público xeral terá ocasión de ver o documental Chicas nuevas 24 horas, un traballo audiovisual de Mabel Lozano, que analiza o tema da trata de mulleres. E este domingo comezamos a programación de teatro afeccionado cunha obra que estaba prevista para a Mostra de Teatro Daniel Cortezón e que daquela tivo que adiarse. Sempre é un pracer para o público ribadense recibir ao grupo de Barreiros Ollomao, que nesta ocasión contan con veciñas nosas no elenco representando O traballo de Andrea”.
Sanjurjo dixo que “o teatro amador vai estar presente en todo o semestre co grupo A Adala, que representará Marina Club polas parroquias. En concreto nestes tres meses acudirán a Vilela, Couxela, Ove, Vilaselán e Arante. En canto ao teatro profesional, Sarabela Teatro ofrecerá dúas funcións do éxito de Sechu Sende Made in Galiza. Unha será para público xeral e a outra para os centros de ensino dentro do noso ciclo de actividades para escolares O Concello cos coles. O coñecido actor de teatro, cine e televisión Avelino González, ofreceranos unha sesión de Contos de contrabando”.
As pícaras e os pícaros tamén gozarán de actividades estes meses: “e no apartado de produción teatral profesional temos tamén as propostas para público infantil, para acudir con toda a familia. Comezamos en xaneiro con Dun can de palleiro, da compañía lucense Lilá Teatro. En febreiro Elefante elegante representa Cubo e en marzo visítanos Os Monicrekes de Kukas con Viva Vivaldi!. O Día de Rosalía celebrarémolo con varios scape rooms na Biblioteca Municipal Viejo Pancho. Neste trimestre temos por suposto o Antroido, cuxa programación será obxecto dunha presentación propia”.
A concelleira de Cultura seguiu a relatar que “poderemos acudir tamén a diferentes charlas e presentacións. É o caso da do libro Universo Aurora Sampedro Piñeiro, de Manuel Rivero Pérez que será unha homenaxe á ciencia en feminino; Pasado, presente e futuro do forte de San Damián no 400 aniversario da súa construción, da man de Alberto Paraje; e Los guardianes del mar. Homenaje a los torreros de los faros, con Enrique Pérez-Campoamor. Canto á música, temos coma sempre as propostas das dinámicas entidades culturais do concello enriquecendo a oferta. É o caso da que organiza este domingo ás 18.00 horas na escola vella de Rinlo A Tribo da Travesía arredor da música de tango, da man de Damián Foretic, e a Coral Polifónica de Ribadeo interpretando o seu concerto sacro a continuación do pregón da Semana Santa”.
Sanjurjo subliñou que “finalizamos coa proposta estrela destes meses. Para celebrar o Día Internacional da Muller, actuarán en Ribadeo Fillas de Cassandra. María Soa (voz, percusión e piano) e Sara Faro (voz e percusión) conforman este dúo, un dos proxectos máis interesantes do panorama musical galego e estatal. E este vai ser o corpo central da nosa oferta cultural para o trimestre á que probablemente se irán sumando outras iniciativas das que iremos dando conta puntual”.
A edil lembrou que “quen queira recibir semanalmente no seu enderezo electrónico as novas dos eventos culturais pode solicitalo dirixíndose á Area de Cultura do Concello de Ribadeo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
