Empezamos chamándolles teléfonos móbiles, pero agora son smart phones, é dicir, teléfonos intelixentes, traducido literal do inglés.
Acaban de prohibir o seu uso nas escolas durante o tempo lectivo. Aquí as cousas fanse cando xa non queda máis remedio e alguén empeza a protestar. Neste caso foron as familias. Primeiro cómpranlles o xoguete e algúns danse conta que crea problemas nos seus fillos/as e no canto de amañar a cousa en familia ou buscar as causas que producen o mal uso deste aparello, o máis fácil e renunciar á propia responsabilidade educativa e cárganlle todo á escola.
Sempre que hai un problema e ninguén se quere responsabilizar del, cárganlle o arranxo aos docentes, que aínda que teñen pouco recoñecemento social, e están mal incentivados, preténdese que teñan a capacidade sobrehumana para solucionar todos os problemas que crea a sociedade. Cando aparece un problema de saúde, tráfico, drogas, sexualidade, comportamento, internet, medio ambiente, paz, feminismo, economía, etc, rapidamente se busca un programa educativo para calar as conciencias.
Os nenos e nenas aprenden por imitación, fan o que ven. Como podemos pretender que non estean enganchados ás pantallas dos móbiles se dende pequenos se lles incita a seu uso para entretelos, para que nos deixen tranquilos mentres nós miramos as nosas pantallas?.
Hai moita xente nova e maior que non pode vivir sen o teléfono intelixente, que xa é máis intelixente que os usuarios. As empresas crean programas para engancharnos no consumo, os bancos para que lles fagamos o traballo gratis e as administracións para non atendernos persoalmente. A propia Consellería de Educación ten aplicacións para que familias e alumnos podan acceder a xestións académicas, para avisos, para acceder a material didáctico. E cando máis che está sabendo, van e quítanche o caramelo da boca.
Penso que esta decisión non vai ser ben entendida porque é incoherente e vai a contracorrente da realidade social. Por outra banda as excepcións para o seu uso nos centros educativos vanse acabar facendo norma. Como ocorreu con todas as prohibicións, o divertimento dos humanos estivo sempre en saltalas. Incumprir as normas xera moita adrenalina e para iso están os corredores, os servizos, os recunchos do patio e posiblemente outras moitas formas que os propios teléfonos, coa súa intelixencia artificial, propoñerán.
Se non se analizan as causas nocivas do seu uso e non se cambian comportamentos adquiridos, as posibilidades de éxito desta medida penso que non son moitas. A escola axuda a adquirir coñecementos e reforza comportamentos positivos de integración social, pero é toda a sociedade, e moi especialmente as familias, as que educan de xeito integral. Non se pode renunciar á responsabilidade que cada un ten na educación das futuras xeracións.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
