Foz, 22 de febreiro de 2024. A concelleira de Cultura en Foz, Inés López Couto, manifesta que “os intereses partidistas do PP local de Foz continúan a súa enardecida pelexa. O único fin que perseguen é botar polo barro o nome do seu pobo e o traballo de toda a xente implicada no Entroido, que deberían de saber que non só é o goberno municipal, senón moitas persoas anónimas que traballan para que esta festa saia o mellor posible”.
Inés López Couto explica que “o Entroido de Foz é unha festa que non dá comezo coa coroación, e tampouco coa elección. O Entroido de Foz comeza ao finalizar a última edición. Anótanse os fallos e trabállase para corrixilos. Unha vez elixida a figura da raíña ou rei do Entroido comézase cos preparativos dos eventos que se celebrarán, no caso deste ano, nos meses de xaneiro e febreiro. Os corpos de seguridade son convocados a unha reunión de seguridade, na que están presentes Garda Civil, Protección Civil, Policía Local, Bombeiros, empresa que elabora o plan de seguridade, comisión de festas e Concello de Foz (técnicos, concelleiros de Cultura e Festas e alcalde). Nesa comisión fálase dos medios necesarios cos que se vai a contar en cada evento e como se realizarán os traballos. Elabórase un plan de seguridade, que este ano pasou a ser un plan de autoprotección debido aos cambios normativos e á dimensión do evento. Ese plan inscríbese na Xunta de Galicia, nos rexistros de emerxencias, co cal os operativos ademais de estar avisados pola comisión de seguridade celebrada no plenario do Concello tamén o están pola inscrición do plan e as súas actividades. Ademais disto existen seguros de todas as actividades. Así mesmo trabállase con empresas contrastadas e con experiencia cada unha na súa rama, dende a montaxe de estruturas, pasando pola instalación eléctrica e ata a comida. Incluíronse novos servizos, coma a instalación dunha ambulancia á beira da carpa con dous técnicos sanitarios ademais da súa asistencia ao desfile”.
A edil de Cultura engade: “como xa se dixo, a aqueles que o pasaron mal pedímoslles desculpas. E de cara ao ano que vén traballarase para emendar todos os erros que se produciron e mellorar unha festa que é traballo de moitas persoas implicadas nela e que reflexa o amor do pobo de Foz polo seu Entroido. É a primeira vez que un grupo político vai contra unha festa do pobo. Se o Partido Popular quere seguir traballando contra o seu pobo, facendo política de bar e empeñado en buscar unha guerra nos medios de comunicación, que non conte con este goberno”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
