A Xunta de Goberno aprobou por cuarto ano consecutivo a convocatoria de subvencións para entidades sen ánimo de lucro que desenvolvan proxectos que poñan en valor o patrimonio natural, cultural e paisaxístico de Terras do Miño e Os Ancares Lucenses, territorios recoñecidos pola UNESCO que xestiona a institución provincial
Lugo, 16 de febreiro de 2024. A Xunta de Goberno da Deputación de Lugo aprobou este venres dúas medidas “importantes para seguir loitando contra o reto demográfico, aproveitando para elo os recursos propios que temos na nosa provincia”, tal e como explicou a Voceira socialista do Goberno, Pilar García Porto.
Por unha banda, a Deputación de Lugo activa por cuarto ano consecutivo unha liña de axudas por un importe total de 110.000€ destinada a entidades asociativas sen ánimo de lucro que estean asentadas ou que teñan o seu ámbito de actuación no territorio das reservas da biosfera Terras do Miño e os Ancares Lucenses e Montes de Cervantes, Navia e Becerreá, para desenvolver actuacións e proxectos vinculados ao medio ambiente e ao rural que poñan en valor o patrimonio natural, cultural e paisaxístico destes territorios recoñecidos pola UNESCO que xestiona a institución provincial.
“Trátase dunha liña de subvencións de concorrencia competitiva, que puxemos en marcha no pasado mandato, e que está tendo resultados moi positivos”, sinalou García Porto, lembrando que, desde o ano 2021, un cento de asociacións das Reservas Terras do Miño e Os Ancares Lucenses recibiron xa máis de 300.000€, grazas aos que sacaron adiante proxectos “moi interesantes”, como recuperar a Romaría no Cereixido, organizar unha xornada de degustación da tenreira, manter unha ruta de sendeirismo, realizar un estudo sobre os ecosistemas acuáticos en convivencia coa gandería extensiva, aumentar o cultivo de centeo para a elaboración de pan ou producir máis palla para o teitado das pallozas do Piornedo.
Como o ano pasado, esta convocatoria de axudas inclúe dúas liñas de actuación. Unha dotada con 60.000€ para actividades na Reserva da Biosfera Terras do Miño; e outra, por un importe de 50.000€, para actividades na Reserva da Biosfera dos Ancares Lucenses. Novamente, os beneficiarios poderán obter entre 1.000€ e 7.000€ por cada proxecto e como novidade, a Deputación ampliará o prazo para presentar solicitudes, que será de 15 días hábiles a contar a partir do día seguinte da publicación da convocatoria no Boletín Oficial da Provincia (BOP).
Un plan para contribuír á diversificación de cultivos
Por outra banda, a Xunta de Goberno aprobou este venres a convocatoria de axudas por un importe conxunto de case 40.000€ para incentivar e impulsar o cultivo de trigo de variedades autóctonas callobre e caaveiro, e a plantación de Physalis nos concellos da provincia con menos de 5.000 habitantes. Trátase dunha medida incluída no programa E para vivir Lugo, que ten en marcha a Deputación grazas aos fondos que conseguiu da Unión Europea para contribuír a fixar poboación no rural.
Poderanse solicitar 500 euros por hectárea para o cultivo de trigo autóctono, ata un máximo de 5 hectáreas; e 26,3 euros por beneficiario para o cultivo de Physalis, independentemente do número de hectáreas. Terán preferencia os solicitantes da Fonsagrada, O Valadouro e Xermade, os tres concellos onde a Deputación está a desenvolver este plan piloto; e o prazo de solicitude será de un mes desde a publicación da convocatoria no BOP.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.