O conselleiro recordou que a Xunta leva agardando desde o 20 de decembro unha resposta do Goberno central para que o sector reciba axudas extraordinarias entre as cales estarían a exención das cotizacións a Seguridade Social
Rábade, 7 de febreiro de 2024. O conselleiro do Mar, Alfonso Villares, criticou a presenza do ministro do Interior, Fernando Grande-Marlaska, e da ministra de Inclusión, Seguridade Social e Migraciones, Elma Sainz, aos cales lles recordou co Goberno central ten enriba da mesa desde o pasado 20 de decembro á solicitude do Goberno galego para que se declare como zona catastrófica os bancos marisqueiros afectados polo alto índice de mortaldade de bivalvos provocado polo baixo nivel de salinidade das augas causado polas fortes precipitacións do pasado outono. Así o manifestou durante a visita ás instalacións de conxelados Sariego no concello lugués de Rábade.
O responsable autonómico sinalou que a Administración autonómica e o sector marisqueiro segue agardando unha resposta por parte do Estado a unha demanda que permitiría habilitar axudas extraodinarias para compensar de forma completa e áxil ao sector afectado polas perdas ocasionadas pola mortalidade severa nas poboacións de bivalvos de interese comercial entre as que destacan a exención das cotizacións á Seguridade Social. “A preocupación se demostra con feitos e non con boas palabras” reflexionou á vez que ironizou con que case dous meses despois e en plena campaña electoral por fin se dan conta en Madrid da gravidade da situación sen aínda manifestar ningún compromiso concreto co sector.
Alfonso Villares confrontou a pasividade do Executivo estatal co traballo realizado desde a Xunta da man do sector habilitando 4 millóns de axudas directas aos profesionais que se abonarán de forma extraordinaria e directa este febreiro e máis de 10 millóns de euros, virán con cargo ao Fempa para afrontar as paradas temporais. A estas medidas sumou o Plan de Competitividade e Sostibilidade do Marisqueo en Galicia 2024-2025 cun conxunto de actuacións que están abertas ás contribucións das xentes do mar e que contará cun investimento de 123 millóns de euros.
Internacionalización das empresas
O titular de Mar enxalzou a traxectoria de conxelados Sariego adicada á importación, elaboración e exportación de produtos conxelados do mar e que na actualidade conta con delegacións en Ourense, Santa Comba, Coruña, Santiago, Pontevedra, Zamora e Chaves (Portugal). O responsable autonómico destacou a aposta desta empresa na modernización das súas instalacións que se atopan á vangarda en procesos de transformación, envasado e almacenaxe de produtos conxelados.
Tamén destacou o seu perfil internacional xa que parte do seu crecemento débese a súas esteiras relacións comerciais con outros países dos que optén materia prima que é elaborada nas súas instalacións con altos estándares de calidade para ser distribuída por España e resto de Europa. Unha internacionalización que está reflictida nas cifras récord de exportación do sector que alcanzaron os 2.700 millóns de euros no 2022 e que con moita probabilidade foron superadas o ano pasado, situando unha vez máis á cadea mar-industria como un referente internacional.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
