Os populares lembran que, co voto en contra de PSOE e BNG, Galicia é a única comunidade que aprobou unha lei para dar praza estable aos médicos que aposten por prazas de difícil cobertura nos centros de saúde de atención primaria da comarca
A Mariña, 12 de febreiro de 2024. O Partido Popular é a única forza política que garante novos servizos para o Hospital da Mariña lucense, tales como a resonancia magnética fixa que, desde a súa posta en servizo o pasado mes de setembro, xa ten atendido a preto de 1.500 pacientes.
Os populares contrastan o esforzo inversor feito polo Goberno do Partido Popular nestes últimos 15 anos, coa falta de interese durante o mandado do Executivo bipartito (PSOE e BNG) que non foi quen de impulsar un só novo servizo no hospital mariñá. Contrapoñen os “feitos” do Goberno do PP, que cumpriu os seus compromisos, coas “palabras ocas” que defenden os partidos da esquerda á hora de amosar o seu compromiso coa sanidade pública comarcal.
Así lembran que co PP na Xunta fíxose realidade un fito como foi o inicio da obra de ampliación e remodelación do hospital de Burela, que continuará na súa segunda fase, ademais de sumar novos servizos que antes non existían como a sala de tratamentos de quimioterapia e oncoloxía, as unidades de hospitalización a domicilio ou a segunda sala de endoscopias, entre outros, aos que agora se suma a resonancia magnética fixa e o novo TAC -que supuxeron un investimento de máis dun millón de euros- e que melloran a tecnoloxía dispoñible para realizar probas diagnóstica clave, como por exemplo, a detección precoz de tumores.
Os populares poñen en valor tamén que aínda que na Mariña tamén sofren ese problema común a todas as comunidades autónomas de falta de médicos de familia e especialistas, desde o PP na Xunta, no ámbito das súas competencias, impulsouse unha lei que está a permitir a cobertura de prazas vacantes, con profesionais estables, nos centros de saúde da comarca, como aconteceu recentemente en Viveiro, Burela, O Vicedo, Cervo e Mondoñedo. Unha norma fronte a que -lembran os populares- o PSOE e BNG votaron en contra.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
