Quen estea ben informado sabe que comer peixe é saudable, os que o probaron saben que é saboroso e os que o compraron saben que é caro. E seguramente non é todo o caro que debera, tendo en conta o traballo, os esforzos e os sufrimentos que pasan os mariñeiros para pescalo, aínda que os que máis padecen non son os que logo levan as maiores ganancias, que nisto tamén hai clases.
Non todo o mundo ten suficientes medios económicos para poder comer peixe coa frecuencia que lles gostaría. Esta pode ser unha das causas de que diminuíra o consumo de peixe. Na lóxica do libre mercado a relación entre oferta e demanda debera regular os prezos, pero esta lóxica na actualidade non funciona. Non só non se axeitan os prezos á demanda, senón que seguen subindo. Quen poda pagalos que os pague e quen non que se amañe. Esta nova regra do mercado estase aplicando a produtos coma o aceite, os produtos básicos de alimentación, á enerxía, ao transporte, aos alimentos para animais, etc. producindo grandes ganancias a quen controla os mercados e desigualdade social e pobreza a quen ten que sufrir as súas consecuencias.
Pero as ganancias ou rendibilidade será maior cantas máis persoas continúen mercando, aínda a costa de teren que endebedarse ou ampliar as horas de traballo para poder manterse, a custa do esforzo que sexa, dentro do modelo social de consumo. Por esta razón a maneira de que se siga comprando produtos, aínda que sexan caros, é a través da publicidade.
Para estimular o consumo de peixe, iniciouse unha campaña publicitaria, que, de primeiras, tentou ser informativa e formativa, pero que ultimamente virou cara o victimismo e a culpabilización do consumidor. Fanche ver que a culpa de que non se venda peixe é túa por non compralo, aínda que teñas que vender un ril. Se non mercas peixe estás poñendo en perigo a “milleiros de familias que viven da industria pesqueira”; se non mercas peixe vas ser un desgraciado que non poderás “gozar da variedade e do sabor que ofrecen as peixerías e mercados”.
Por outra banda, aproveitando que estamos en campaña electoral, hai que largar redes para ver se mallan votos, así que ten en conta que, si non mercas peixe é porque non confías “na seguridade e calidade dos produtos do noso mar”, boliñas de plástico por medio. Xa por último unha cuestión de identidade: tés que amar o mar, para amar Galiza. Supoño que isto estará dirixido só aos galegos, porque os alleos poderán amar o mar, o seu, sen ter que amar a Galiza. Ou non?
Un dilema: ¿que pasaría se o diñeiro gastado nesta campaña se repartisen en forma de vales entre as persoas con baixos recursos para que puidesen ir mercar peixe ás peixerías?. Esperemos que algún día nos digan cal foi a eficacia comercial desta publicidade e quen foron os que sacaron as mellores talladas desta actividade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
