A Xunta traballa en favor dun marco que permita aos pesqueiros adaptarse de forma gradual ao uso de novas fontes enerxéticas no entorno actual de descarbonización
Bruxelas, 28 de febreiro de 2024. A Xunta de Galicia aposta por continuar avanzando nun proceso de descarbonización da frota que é necesario realizar de forma gradual, asumindo este reto de forma realista para que sexa asumible polo sector. Así o sostivo este mércores en Madrid o director xeral de Pesca, Acuicultura e Innovación Tecnolóxica, Antonio Basanta, que participou nun obradoiro sobre Innovación e Tecnoloxía organizado pola Asociación para a Transición Enerxética (ETP), plataforma que puxo en marcha a Dirección Xeral de Asuntos Marítimos e Pesca da Comisión Europea (DG MARE).
Na cita o responsable galego aproveitou para introducir unha derivada que complementa á necesidade de que os cambios atendan á realidade do sector e se acompasen ás súas posibilidades de acometelo: os profesionais do mar galegos, que están comprometidos con pescar máis e mellor, coa sustentabilidade e coa loita contra o cambio climático, a transición enerxética e toda a mellora da parte ambiental ten que ter unha distinción, recoñecemento e alicientes con respecto a aquelas frotas que non fan ese traballo.
Este encontro foi o segundo taller auspiciado pola DG MARE tras un primeiro obradoiro que, celebrado a finais de novembro de 2023, abordou as finanzas da descarbonización. Nesta ocasión, o representante da Consellería do Mar e os participantes de diferentes rexións comunitarias de toda a UE aproveitaron para abordar as oportunidades actuais de innovación e tecnoloxía dispoñibles para a transición enerxética, incluíndo as innovacións en engrenaxes e motores así como a utilización de combustibles alternativos.
Tamén se exploraron e identificaron as fendas tecnolóxicas e de I+D+i existentes na actualidade e as posibles solucións en áreas da investigación que afectan aos sectores da pesca e a acuicultura neste tránsito cara ao futuro novo modelo. Un camiño no que Galicia e o seu sector marítimo-pesqueiro pretende explorar as distintas posibilidades de colaboración e as posibles sinerxias para propiciar este cambio gradual.
As conclusións do debate en foros como o celebrado na sede da DG Mare en Bruxelas servirán como base para a elaboración dun documento que recollerá os problemas, desafíos, oportunidades e achados máis importantes que contribúan ao deseño da folla de roteiro para acadar a descarbonización na pesca e na acuicultura da UE no ano 2050.
Neste contexto, Antonio Basanta volveu a recordar que Galicia conta coa maior frota pesqueira da UE, con 4.200 barcos, sinalando que este proceso non pode derivar nun impacto lesivo á capacidade de pesca dos buques. Por iso hai que dar pasos como o de definir, en primeiro lugar, a tecnoloxía axeitada á que mudar os motores que hoxe funcionan a diésel e gasolina cunha tecnoloxía axeitada á que mudar os motores que hoxe funcionan a diésel e gasolina. Un ámbito onde a Xunta traballa xa xunto á Asociación Clúster do Naval Galego (Aclunaga) e a Fundación MarinnLeg, co fin de avaliar as posibilidades da frota galega de avanzar na transición enerxética, pero facéndoo sempre con sentidiño, sen afectar a súa sustentabilidade e rendibilidade.
Tamén se traballa coa Escola Técnico Superior de Náutica e Máquinas da Universidade da Coruña (UDC) para anticiparse ás necesidades que xerará esta remuda en materia tecnolóxica dentro dos barcos de pesca en ámbitos como o da formación dos tripulantes.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
