Barreiros, 15 de abril de 2026. Carlos Canal gañou a segunda etapa da volta ciclista O Gran Camiño, que se disputou esta mañá entre Vilalba e Barreiros. O ciclista de Xinzo de Limia foi o primeiro en cruzar a liña de meta, a carón da praia de Benquerencia.
O vicepresidente da Deputación de Lugo Efrén Castro e da alcaldesa de Barreiros Ana Ermida foron os encargados de entregar o premio a Carlos Canal, que marcou un fito ao ser o primeiro ciclista galego en lograr unha vitoria nunha etapa desta rolda, que conta co patrocinio da Vicepresidencia da Deputación de Lugo.
O responsabel provincial destacou este final de etapa con vitoria galega como “o mellor final posible para unha xornada que ensinou ao mundo, a través das imaxes espectaculares da realización da proba, as paisaxes e o patrimonio natural das comarcas da Mariña e da Terra Chá” e reafirmouse en que “o ciclismo é o mellor deporte para a promoción do territorio, algo que valoramos á hora de apoiar a organización desta volta desde a súa primeira edición”
A alcaldesa valorou que “O Gran Camiño puxo Barreiros no mapa do deporte internacional e amosou a nosa capacidade para acoller ventos deportivos do máis alto nivel”. “A vitoria de Carlos Canal fixo que a festa fora absolutamente redonda, así que só cabe parabenizar a organización e agradecer o traballo das persoas voluntarias de protección civil e dos empregados municipais que fixeron posible que BArreiros acollese este evento deixando unha imaxe para o recordo”, concluíu.
A etapa lucense do Gran Camiño saiu ás 11.30 horas desde a Praza da Constitución de Vilalba. O pelotón internacional percorreu 148 quilómetros polas estradas de Vilalba, Muras -co Alto da Gañidoira como punto máis elevado do trazado -, Ourol, Viveiro, Xove, Cervo, Burela, Barreiros e Ribadeo. Os tempos desta segunda etapa deixan como lider da volta ao portugués Rafa Reis.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
