Instan ao PP a poñer en marcha un Plan municipal que permita activar solo, fomentar a construción e rehabilitación, e facilitar o acceso a prezos accesibles
Xove, 15 de abril de 2026. O Grupo Municipal Socialista de Xove denunciou que o municipio leva máis de dúas décadas sen políticas públicas de vivenda e responsabilizou ao goberno local do Partido Popular de non ter impulsado ningunha medida fronte a un problema que cualifican de “estrutural” e que condiciona o presente e o futuro da localidade.
Desde o PSdeG lembran que as últimas promocións públicas construídas en Xove datan de finais dos anos noventa e subliñan que, desde entón, non se promoveu ningunha vivenda, nin pública nin privada. “Xove leva máis de vinte anos sen levantar unha grúa para construír vivenda”, remarcan.
A formación advirte de que na actualidade non existe oferta real nin para alugueiro nin para compra, unha situación que dificulta especialmente que a mocidade poida quedar a vivir no municipio e que tamén frea o seu desenvolvemento. Critican, ademais, que o goberno local non dispoña dun plan municipal nin de medidas para mobilizar solo, favorecer a construción ou impulsar a rehabilitación de inmobles.
As e os socialistas denuncian tamén a falta de planificación do executivo do PP e reprochan que, cando esta cuestión se aborda nos plenos, o alcalde “limítase a dicir que non hai solicitudes”, unha resposta que consideran “un intento de negar a realidade e evitar asumir responsabilidades”.
Fronte a esta situación, o PSdeG insta ao goberno local a poñer en marcha un Plan municipal de vivenda que permita activar solo, fomentar a construción e rehabilitación, e facilitar o acceso a inmobles a prezos accesibles. Así mesmo, reclaman que o Concello aproveite as ferramentas e liñas de axuda doutras administracións para incrementar a oferta residencial e dar resposta ás necesidades da veciñanza.
“As administracións teñen ferramentas para actuar; o que falta en Xove é vontade política e xestión para utilizalas”, conclúen desde o grupo socialista, que insiste en que esta problemática debe situarse entre as prioridades da axenda municipal.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
