Foz, 13 de febreiro de 2024. O control de mostras amosa valores de trihalometanos (THM) por encima dos límites permitidos de 100 µg/L. Aínda que o risco sanitario está asociado a un consumo continuado de auga durante anos con niveis de THM elevados, o Concello de Foz recomenda á poboación, como medida preventiva, non beber auga da traída nin preparar alimentos con ela ata que diminúan estes niveis, tal e como marca a Consellería de Sanidade da Xunta de Galicia. Esta recomendación é so para a parroquia de Cordido, xa que ten unha rede independente. O resto do concello de Foz no se ve afectado.
A concesionaria Gestagua está a traballar para resolver a incidencia á maior brevidade posible, dispoñendo un medidor de cloro en continuo e utilizando peróxido de hidróxeno para a oxidación da materia orgánica que puidese permanecer no depósito.
O alcalde de Foz, Fran Cajoto, explica que a auga é apta para o resto de usos, incluído o baño e a ducha ou a limpeza en xeral: “a concesionaria está a adoptar as medidas necesarias para que a auga volva aos niveis correctos. A nosa principal preocupación é que non se produza ningún tipo de risco para a saúde por mínimo que este sexa. Ata o de agora non tiveramos problemas de trihalometanos na rede de Cordido, que parecen motivados por un derrube de terras no río augas arriba da captación. Pedimos desculpas polas incomodidades que isto vai producir. Imos manter informados aos veciños das novidades, eliximos sempre ser transparentes en todo momento. Continuamos traballando para resolvelo á maior brevidade”.
O Concello de Foz está a traballar na legalización da captación de Cordido, pendente dunha resolución de Augas de Galicia, organismo que leva catro anos de atraso na tramitación do expediente. O estudio de viabilidade económica para o novo contrato da auga aprobado no pleno do mes de xaneiro leva prevista unha inversión para a mellora da potabilización de auga en Cordido e para a potabilizadora de Foz situada en Fazouro.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
