Ethel Vázquez acompañou a membros da candidatura popular nunha visita a varios puntos da comarca na que lembraron o investimento de 12 M€ na depuradora de Foz e os 15 M€ previstos para a mellora da LU-540
A Mariña, 13 de febreiro de 2024. Os candidatos do PP lucense ao Parlamento de Galicia reivindicaron que “foi un Goberno do Partido Popular con Alfonso Rueda á fronte o que impulsou as obras da nova depuradora de Foz que se iniciarán de forma inminente cun investimento de 12M€ e tamén será o que mellore a estrada da Gañidoira, a LU-540, cun investimento previsto de 15M€, dando resposta a unha demanda dos veciños e veciñas”.
Javier Arias, Alfonso Villares e José Manuel Balseiro defenderon xunto á titular de Infraestruturas e Mobilidade e candidata pola provincia da Coruña, Ethel Vázquez, que “seguiremos esixindo infraestruturas estatais á altura dos lucenses e demandando a execución da autovía da Mariña, a A-74, despois de cinco anos de Goberno de Sánchez, cinco anos perdidos, sen avances”.
Vázquez subliñou que “o Goberno do Partido Popular en Galicia é o único garante de seguir traballando polo rural, por ofrecer comunicacións máis seguras e competitivas e servizos de transporte que respondan ás necesidades da xente”, subliñaron os populares. De feito, os menores de 21 anos dispoñen de bus gratuíto igual que, dende o 1 de xaneiro, os maiores de 65 anos.
Durante a súa visita a varios puntos da Mariña -Foz, Viveiro, Burela e Mondoñedo-, os populares pediron o apoio para que despois do 18 de febreiro Galicia conte cun Goberno “estable, con experiencia e capacidade de xestión”, un Goberno do Partido Popular presidido por Alfonso Rueda, un Goberno “centrado nos cidadáns, que achega solucións e fai que Galicia funcione e siga avanzando no ámbito social e económico”.
Así, insistiron en que “hai que ir a votar e apoiar masivamente o modelo do Partido Popular fronte ao modelo do multipartito que pretende implantar en Galicia o modelo de Sánchez, o do barullo e as liortas, e impoñer o independentismo, o monolingüismo e a eliminación das provincias”.
Os populares condenaron que “o PSOE galego priorice a Sánchez antes que os intereses dos lucenses como demostran co seu silencio ante os incumprimentos e agravios á provincia”, especialmente en materia de infraestruturas: “as estradas nacionais están cheas de fochancas, a A-8 en mal estado e sen solucionar o problema da néboa, a A-6 cortada en Pedrafita, as autovías pendentes coma a A-74 esquecidas nun caixón, o AVE non chegará a Lugo e o FEVE en desmantelamento”. Así mesmo, lembraron que “o BNG tamén é responsable destas políticas lesivas polo seu apoio incondicional a Sánchez renunciando a defender os intereses dos galegos”.
NOVA DEPURADORA DE FOZ
Ethel Vázquez asegurou en Foz que “a tódolos partidos da oposición se lles enche a boca falando do saneamento integral das nosas rías, pero o único que se toma en serio os problemas de auga e saneamento é o Goberno do presidente Rueda”. E puxo como exemplo “o investimento de máis de 12 millóns de euros nas obras da nova rede de colectores da nova depuradora que se van iniciar de forma inminente”.
Xunto a membros da candidatura pola provincia de Lugo, lembrou que “poderían ter comezado moito antes” se o os gobernos do PSOE no Concello e no Estado “foran máis dilixentes”. De feito, “houbo que agardar 36 meses pola concesión dos permisos por parte de Costas do Estado, organismo dependente do Goberno de Sánchez que non entende nin atende ás peculiaridades da nosa orografía e das nosas rías. Foi o Goberno de Rueda o que axudou ao Concello na tramitación da concesións de Costas e o que achega o investimento para acabar coas deficiencias do sistema de saneamento de Foz, a pesar de ser unha competencia municipal e, polo tanto, responsabilidade do Concello”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
