A concelleira Verónica Soto cre que “esta improvisación por parte do goberno local xera unha situación negativa para Foz, precisamente no primeiro ano trala declaración do noso Entroido como Festa de Interese Turístico de Galicia”
Foz, 12 de febreiro de 2024. O PP de Foz pide a creación, de inmediato, dunha comisión de investigación e que se depuren responsabilidades ante o “caos e descontrol que se viviu trala entrega de premios do baile de Entroido pola acumulación de xente debido á desorganización á hora de deseñar a entrada, saída, accesos aos baños e zona de fumadoras xa que todos confluían. O Concello debería pedir desculpas ás persoas que se tiveron que ir e ás persoas que o pasaron mal nese momento”, engaden.
A concelleira Verónica Soto traslada a preocupación dos populares por este “grave suceso” que cre que “é necesario analizar desde dentro” porque “puido causar problemas importantes. Afortunadamente non pasou nada e temos que agradecer a paciencia da xente e a actuación da Garda Civil”.
A popular explica que se “afundiu a plataforma, pero os momentos de máis tensión vivíronse polo embudo creado pola acumulación de xente na zona de entrada-saída” ata que interviu a Garda Civil”. Incluso, “os asistentes non podían localizar as saídas de emerxencia e a propia organización tivo que explicalas no propio momento”. E, ademais, “as saídas daban a prados enlamados que confluían novamente na zona onde se estaba facendo o embudo”.
Os populares censuran “a improvisación por parte do goberno local que é o responsable da organización do Entroido de Foz. Está claro que non se acertou neste deseño e nesta nova ubicación. Hai que ter en conta que se instalou a carpa no barrio das Lagoas que se chama así, precisamente, porque alí nace auga”.
Verónica Soto condena que “esta situación sexa negativa para Foz tendo en conta que é o primeiro ano da celebración do Entroido despois de ser declarado Festa de Interese Turístico Galego”.
O ALCALDE BUSCA PROTAGONISMO E O PP, SEGURIDADE
A popular lamenta que “durante o baile de Entroido, o alcalde quixera facerse o protagonista actuando como speaker, cando os protagonistas eran os participantes”. Nese sentido, sinala que “o alcalde non está para iso porque hai profesionais, xente das comisións ou técnicos de cultura para realizar estes labores”.
Pola súa parte, o Grupo Municipal do PP xa pedira no pleno ao goberno local “prestar atención ás medidas de prevención. Mentres que Cajoto está obsesionado por aglomerar persoas, o PP preocúpase pola seguridade da xente e a calidade do noso Entroido”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
