O “abandono ás residencias” apréciase polo feito de que “Tomé botou aos veciños de Becerreá nos últimos dous plenos por pedir a posta en marcha da residencia comarcal xa rematada dende fai dous anos”
Luns, 5 de febreiro de 2024. O voceiro provincial, Antonio Ameijide, aclara que “a asistencia das residencias da Deputación de Lugo está prestada por empresas privadas que, nalgúns casos, foron denunciadas por traballadoras. A pesar de que ao goberno provincial de PSOE e BNG se lles enche a boca ao falar de xestión pública, o certo é que teñen externalizado ou privatizado o servizo de atención aos maiores nas residencias da rede da Deputación”. É por iso polo que os populares piden “coherencia” porque os socialistas “anuncian o contrario do que fan nas residencias da Deputación de Lugo”.
O popular incide en que “a maior parte da prestación do servizo en centros de atención a maiores na provincia faina a Xunta de Galicia e os Concellos”. De feito, a Xunta dispón dun total de 402 prazas en residencias públicas na provincia e máis de 1.000 prazas concertadas en centros privados que sufraga a Xunta. Ademais, dirixe máis de 675.000 euros en concepto de libranzas en función do grao de valoración de dependencia a outros 1.268 usuarios de centros residenciais. Entre estes inclúense os dos centros de atención a maiores da Deputación de Lugo; xa que o 50% resultan beneficiados.
Ademais, na provincia de Lugo hai implantadas 24 casas do maior que supoñen 120 prazas en concellos do rural, cunha atención máis personalizada e en moitos casos con servizo de transporte de recollida.
Os populares subliñan o compromiso do Goberno galego que preside Alfonso Rueda coa atención ás persoas dependentes. De feito, ten en marcha os Bonos Coidado cos que concede 5.000 euros para pagar a unha persoa coidadora no fogar e un complemento de 1.200 euros anuais para os beneficiarios do Bono Residencia que se suman ao que recibía cada persoa ata agora. En total, suman 12 millóns de euros os que destina a Xunta na provincia de Lugo a Bonos Coidado.
En definitiva, “a implicación do Goberno galego coa atención aos nosos maiores está sobradamente demostrada” fronte a “un goberno bipartito que presume das residencias que eles mesmos decidiron construír, que decidiron externalizar e das que pretenden desfacerse. Póñenas de exemplo de modelo público, pero a súa xestión é privada e, aínda por riba, queren que sexan outros os que se fagan cargo do seu funcionamento. Renegan delas. Invito eu, pero pagas ti”, segundo define. Ameijide condena esta “política da contradición” que, “dende logo, os galegos non merecemos. Merecemos feitos”.
O BIPARTITO ABANDONA O MODELO DE RESIDENCIAS DA DEPUTACIÓN
Ameijide subliña que “o bipartito abandonou o modelo de residencias da Deputación”. Por unha banda, o popular lembra que “os orzamentos aprobados polo bipartito demostran que non teñen previsto construír novas residencias no 2024: reducen máis de 60.000 euros a partida en investimentos e outros 50.000 en gastos correntes”.
Son moitas as residencias comprometidas que seguen pendentes de poñer en marcha: Guitiriz atrasada despois de derrubar a Casa da Botica, Cervantes prometida en varias campañas electorais das municipais e para a que aínda non hai parcela, A Pobra do Brollón que vai pola cuarta vez que se saca a licitación a súa construción, Folgoso do Courel onde o Concello fixo todo o que lle correspondía pero segue agardando pasos por parte da Deputación dende o 2018, Portomarín, A Pontenova, Pantón ou Ourol.
Por se fora pouco, “hai unha residencia rematada dende fai dous anos, o centro residencial comarcal de Becerreá, que rexeitan publicamente. O abandono ás residencias apréciase á vista de que Tomé botou aos veciños de Becerreá nos últimos dous plenos por pedir a súa posta en marcha”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
