María Jesús Lorenzana, os candidatos da comarca ao Parlamento galego Alfonso Villares e José Manuel Balseiro, alcaldes e portavoces da comarca analizaron a situación de Alcoa nunha reunión en San Cibrao
A Mariña, 2 de febreiro de 2024. O PP lucense trasladou o seu apoio ao emprego -preto de 2.000 postos de traballo directos en xogo e máis doutros tantos indirectos- e xulgou como “irrenunciable” o mantemento da actividade industrial na Mariña tras unha reunión de traballo na que participaron os candidatos da comarca ás eleccións autonómicas do vindeiro 18 de febreiro, Alfonso Villares e José Manuel Balseiro, entre outros membros da candidatura, alcaldes e portavoces e á que acudiu a titular de Economía, Industria e Innovación do Goberno galego e candidata pola provincia da Coruña, María Jesús Lorenzana.
Os populares piden ao Ministerio de Industria unha postura firme sobre a planta de Alcoa “e que dea un ultimato á empresa para que clarexe os seus plans de futuro para a fábrica da Mariña ou que traballe nunha saída ordenada, porque a actitude tanto do Ministerio como da dirección de Alcoa está a xerar incertezas”. Así mesmo, manifestan “o compromiso do Executivo galego de apoiar con tódalas ferramentas e competencias ao seu alcance para que a empresa cumpra cos compromisos adquiridos”. Se a compañía non cumpre, “o Goberno galego estaría disposto a apoiar a intervención temporal e instrumental de Alcoa ata buscar un novo comprador”, pero remarcan que “esa decisión lle corresponde ao Goberno de Sánchez”.
Así mesmo, incidiron en que “está nas mans do Goberno central garantir un marco enerxético estable e competitivo, que é outro dos problemas aos que se ten que enfrontar a planta; pero nin o PSOE nin o BNG como socio necesario se puxeron mans á obra para a elaboración de novas medidas de apoio verdadeiramente efectivas no marco do estatuto electrointensivo”. Ambas formacións incluían no seu pacto para investir a Sánchez presidente no 2020 axudas para as electrointensivas e “catro anos despois o seu futuro está no aire e nin sequera se acordaron de volver poñelo sobre o papel no novo pacto asinado no 2023”.
Fronte á postura de socialistas e nacionalistas, dende o Partido Popular defenden que “todos -empresa, institucións e partidos políticos- debemos estar á altura para o mantemento do emprego e da actividade industrial na comarca”.
AXUDAS DE COMPENSACIÓN DE CO2 INSUFICIENTES
Os populares aclaran tamén que “as axudas de compensación de C02 anunciadas polo Goberno de Pedro Sánchez son insuficientes e non permitirán ás empresas electrointensivas dispoñer dun prezo competitivo como dispoñen en Francia e Alemaña.
“O que nos vende o Executivo é unha cortina de fume porque os 300 M€ anunciados só supoñen o 8,8% do total dos ingresos de CO2 cando o límite máximo que permite a UE é do 25% dos ingresos, o que podería supoñer unha dotación de 850M€”. A diferenza, uns 550M€, é o que provoca que en España as empresas electrointensivas sigan pagando tres veces máis o prezo final da enerxía que en Francia ou Alemaña.
OUTROS ACTOS NA MARIÑA
María Jesús Lorenzana tamén participou noutros actos coa candidatura do PP lucense ás autonómicas na comarca da Mariña: no mercado semanal de Burela e nunha visita á empresa Gloswind e á cidade de Viveiro.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
